شلون اتصرف مع ....................

صباح الخير :41:

ساعدوني بمشكلتي:icon29:ابي حل مع زوجي

بكمل 4سنوات من زواجي ومن تزوجت زوجي رفض يعطيني كل شهر مصروف يعطيني اذا رحت لهلي كل 3شهور

وسكت قلت يمكن مامعه شي والحين ماشالله زاد راتبه وصار يعطي امه الف كل شهر وصار يعطي اخوه اللي تزوج الف كل شهر :ohplease: يقول راتبه بس 6الاف وهو تزوج اكيد مصاريفه زادت

زوجي ماشالله دبل راتب اخوه 3مرات

اذا طلبت شي قال بنوفر :09: بجيب لك خدامه بسفرك بغير الاثاث وماشفت شي اشوف فلوسه على اهله

اخر مره عطاني فلوس برمضان عشان اشتري للعيد انا حامل وبطني كبر صار لبسي ضيق وربي بس بجامتين اللي ابدل فيهم بالبيت

وقبل اسبوع رحت شريت من السوبر ماركت شامبو وكريمات وشاور جل يقول بسك طلبات

وقبل يومين شرا خضره قلت ليتك قلت لي عشان اوصيك باغراض قال شايفتني على بنك

وقلت ابي السوق عشان بشتري ملابس العيد لي ولبنتي وملابس الشتا وتعكر مزاجه


زهقت كني اشحذه وذليت نفسي مابي اترجاه وانا مااحب ازن فوق راسه شسوي

اقوله خلاص مابي اشتر لبنتك بس عشان يحس

واذا عطاني مصروف لارحت لاهلي بس يذكرني فيهم انا اطول عند اهلي اجلس شهر لاني اطول عنهم

السوق اروح له كل شهر او كل شهرين واذا رحت يبينا بس نتمشى ونجلس بمقهى ونتعشا وناخذ لبنتي لعبه وخلاص يقول كافي

صرت مااكشخ ولا البس والله صارو قريباتي يقولون ليه شكلك مبهذل

ويقهرني يقول تعبي كله لكم عشان اسعدكم ويوعدني بأشياء عشان يسكتني بس وطبعا بدون تنفيذ


ومن وعوده لي انه بيعطيني كل شهر الفين ياليته يعطيني 500راضيه بس كله كذب