شلون اتغير ؟؟ وليش انا صرت كذا ؟؟ ساعدوني

كيفكم يا حلوين

بدخل ف الموضوع على طول

انا كنت انسانه مرحه احب الطلعات والتجمعات العائليه و الصديقات

اهتم بنفسي كثير كثير جدا من ناحية شعري لبسي اناقتي بشكل كامل بشرتي ووووالخ

احب اطور من نفسي كثير ادخل دورات احب اتعلم كل شي غريب وحلو ومفيد احب اكون غير عن الناس و احسن الناس بس طبعا بدون غرور الحمدلله




الان اختلفت مليون لدرجه صرت انسانه بيوتيه جدا و شبه منعزله عن العالم

حتى السوق او مطعم او كوفي شوب او اي مكان احب اروح لحالي واخذ بناتي اتضايق احد يجي معي حتى لو امي ما احب احد يروح معي صرت احس الناس يستغلوني كثير ومايكلموني او يزوروني الا وقت المصلحه فقط




كنت احب اتجمع مع اقربائي صديقاتي جيراني اهلي اهل زوجي الان لاااااا




ابحث عن دورات تفيدني في تخصصي او دورات لتطوير الذات و اسجل فيها ولا جا وقت الدوره اكنسل ولا اروح احس بضيق وخمول وكسل ولا ابي اطلع من البيت

اقول مثلا بكره بروح للصالون اسوي شي معين انام و اصحى و اكنسل الفكره تماما واحس بخمول وتعب ولمن تتكنسل الطلعه احس براحه وانتعاش

حتى المناسبات المهمه مثلا زواج صديقات او اقارب او جيران اتحمس اروح للمناسبه و يجي يوم المناسبه ونفس الشي الغي كل شي واقعد ف البيت




يعني صرت انسانه لا مباليه جدا عكس اول كنت انسانه نشيطه و حاره وحركيه الان اختلف كل شي بس حزينه وخايفه من المستقبل صارلي سنتين او سنه ونص على هذا الحال





حتى ماعاد اهتم بنفسي كثير ووزني بدأ يزيد بسبب قلة الحركه والنادي تركته بسبب الخمول وحب البيت واكره الخروج الان لي سنه ونص او سنتين على هذا الحال

ارتاح لمن اجلس لحالي احب اجلس على الاب توب وابحث عن كل شي ابيه وافكار ومشاريع و جنبي دفتر وقلم واكتب كل شي ابي اسويه او اي شي يخطر في بالي و اسوي جدول لليوم الثاني اكتب كل شي ناقصني او ناقص بناتي واكتب كل شي يخطر على بالي اقول بغير من نفسي واتبع جدول معين عشان اجبر نفسي على التغير لاكن دون جدوى


كنت اقرا القران بشكل يومي ماشاء الله و الاستغفار ما اتركه والصلاه في وقتها واحيان اصلي الضحى و قيام الليل والنوافل و اتصدق كثير الان كل هذا ما اسوي اي شي منه ونادرا لو سويت اي عباده غير الصلاة حتى الصلاه اتكاسل عليها وبالقوه اصلي الله المستعان




حللت فيتامين د وطلع عندي نقص والحمدلله اتعالجت منه يعني ما اتوقع بسبب نقص فيتامين د مثل ما البعض يقولون




القران الحمدلله اشغله في بيتي دايم




حابه ارجع مثل ماكنت انسانه ايجابيه طموحه نشيطه متفائله ابي اكون مثل قبل كييييف




وش تتوقعون سبب هالانتكاسه الي صارت معي







هل هي من اعراض الاكتئاب او اعراض عين او اعراض غده درقيه ؟؟؟