شلون احب زوجي

السلام عليكم

بنات انا عندي مشكله وتقريبا احس اني تعيسه من وراها
انا تزوجت قبل 4 سنوات من شخص كنت احبه واتمناه وهو بعد يحبني تزوجنا عادي واكتشفت فيه طبع ماحبه
مايغار ابدا ابدا يعني مرات احس اني رجال مو حرمه تصير مواقف تستدعي الغيره ولايغار ابد
عااااادي قلت يمكن هذا طبعه مع انه غريب شخص عربي وسعودي بعد ولايغار هو للمعلوميه حتى بخواته مايتدخل ابدا بس انا زوجته بقولكم موقف من المواقف يعني مثلا كنت بعملي وجا نظام البصمه وكان فيه
رجال هو مسئول ياخذ بصماتنا وكان الرجال واقف بجنبي ويسولف معي طبعا يسئلني عن رقمي الوظيفي
بس انا شفت زوجي يستناني عند الباب ويطالع بس ولافكر يجي جنبي واقف رجال جنبي ليه مايجي وش هالبرود
واخذت البصمه وطالعت الا زوجي رايح يستنا بالسياره وكنت واقفه انا مع هالرجال وربي مره انصدمت وش هالطبع
غير كذا هو مشهود له بالحيا رجال يستحي حيل وعشان كذا وهذا اول سبب خلاني ارتبط فيه احب الرجال
الحياوي ماحب الجريء
اول ماتزوجته بحكم اني ماعرف لشغل البيت ولاقد اشتغلت حملت طبعا بداية زواجي وبالشهر الرابع
ابوي جابلي شغاله والله يابنات اللهم لاشماته ماقصدي اتشمت بس ابي اوضح لكم انها تشبه ماوكلي
فتى الادغال وعجوز صاكه ال 50 وجلد وعظم وغير كذا ماتعرف تتحمم تعبت معها تفرك ظهرها بحصاة هي جايبتها معها العجوز لها فتره تقولي جيبي مكنسه صغيره قلت طيب ونسيت
الموهم تزينت وتكشخت ابي اروح بيت اهلي الا زوجي يقولي بسرعه ليش تاخرتي استغربت المهم رحت ويوم رجعت الا العجوز تبكي قلت وش فيكي قالت بابا مو كويس كان يبي شي مني وانا رفضت
انا انهبلت وربي صدمة عمري عروس 4 شهور وياريتها حلوة او صغيره ياربي لو اني رجال ماشتهيها
رحت المطبخ لقيت مكنسه وكيس رز انا هنا دريت انها صادقه لانه راح جاب الاغراض اللي وصت عليهن
دقيت عليه وجا بسرعه وماخليت كلمه ماقلتها كل كلمه شارع قلتها له وجلس يحلف ويحلف وخانق الشغاله
يقول ياكذابه وهي ساكته انا اعرف الصادق سبحان الله دايم مايعرف يرد ويسكت والكذاب يقوم يهذ سوالف
عموما قلبي يقول انها صاقه واروح اجيب المصحف واقول احلف وانا بصدقك واعرف ان الله مراح ينساك
والله ثم والله انه حط ايده بالمصحف وحلف وقلت يابنت اكيد مايبيع ربه عشان اي شخص بالدنيا وسفرت الشغاله
واستمرت حياتي معاه عادي وبخلال هالفتره يابنات لو اقوله اذبح روحك ابي من لحمك قال تفضلي ابي اسافر قال يالله
اعصب واطرده برا عادي يطلع يسوي كل شي ابيه الناس تحسدني عليه هو من اول كذا معاي
تحملوني شوي بطول بليز كملوا للاخر المهم جبت طفلي الاول وانفست عند اهلي ولااحسه شفقان علي بالعكس خلصت نفاس يقول خليك اسبوع ارتاحي
وبعدين اكتشفت انه يراسل وحده وهي ماتبيه تطرده تخيلوا وهو يلاحقها بس ايش سمع انها مره مدحته
لاعاده الله من مدح تكتب له انا مابيك يقول والله ابي اتزوجك ومابي زوجتي ماحبها ابي اطلقها اصلا احنا
شبه منفصلين مع اني بالبيت عنده ولو اقول طلقني يجلس يبكي عندي والله ماكذبت يقول اموت ولااطلقك
البنت وصلت لقريبتي وقريبتي علمتني واروح واقابل الحرمه الله يستر عليها متزوجه وعندها
طفل وتوريني الرسايل مو من رقمه بس هو عرفت بطريقتي وارجع بيتي واقوله السالفه ويحلف ويحلف
قلت قم امش معاي قابلها وقام وتقابلنا ثلاثتنا بمكان عام هي تحلف وهو يحلف ويقول تكذبي طبعا هو الكذاب
قلت انا سويت هالمقابله يافلانه عشان تعرفي انا وش اقدر اسوي هذاني جبته وخليته يحلف قدامك
وانا ماني حرمه مسكينه وسهله قلت هالكلام قدامه انا قد حالي واللي يدوس لي ع طرف امسحه من الدنيا
انا ابي ادقه بالكلام بس للحين مسويه روحي مصدقته قدامه ومكذبه البنت وهي مسكينه تحلف وانا قلت
للاسف دوري شخص غير زوجي وتأكدي ومشيت وتركتها يابنات لاتلوموني مابي اصير مسخره
ياربي مو ناقصني شي كل يوم اتزين له والبس واكشخ اسوي واحط وهذي تاليته يخوني مع حريم ياليت احلا مني
المشكله محد معطيه وجه وهو مثابر ولد الحلال وماقولكن كرهته وصرت مو زي اول ماشتاق مابيه ماشفق علا نومته
عادي تبلدت احاسيسي فكرت انشغل عنه وقلت بكلم وفعلا كلمت بس كرهت نفسي وقلت هذا الطريق
مو لك تذكرت اللي كنت اكرههن اللي يكلمن وهن متزوجات وربي اشمئز منهن ولاعرفت بلواهن
الا يوم جربت صرت اتنكل فيه سفرني يطيع ودني يطيع طيرني يطيع كل شي اطلب وهو ينفذ المصيبه من يومه
وهو كذا زمان
جا وقت قلت ابيك تقول الحقيقه ونطوي صفحة الماضي تعترف باخطائك وتصدقني القول انت راودت الشغاله
شوفوا سئلته عقب 3 سنين للحين بقلبي قال ايه والشيطان شاطر قلت حلفت كذب كيف قال لا بس حطيت يدي
قلت انا نقلتك الحلف قال ايه قلته بس بقلبي غير يستهبل على الله او علي مادري
المهم من هذيك الللحظه وانا يابنات مو انا صرت ماحس ماشتاق مابيه اذا جا ينام معاي اشم ريحه معفنه
اشوف عيوبه فقط اكررهه يمرض مالي فيه تغيرت بس بنفس الوقت محطمه احس راحت انوثتي انجرحت
اتمنى يجي شخص غيره يصحي انوثتي اشوف عمري يضيع معاه
مدري شسوي عندي طفلين وهو طيب وحنون بس ماش راح الشعور معاه صار الحين بالنسبه لي سواق
وبس اول ماحب ياخذ من احد فلوس لاني موظفه اساعده هو بعد موظف بس الحين اتعمد انه يتدين
قبل يومين شاف عندي مبلغ 40 الف والله مو محتاجته بس جمعته من راتبي وهو كان متدين اجار البيت
من ولد عمه 12 الف قال اعطيني ارجعله واقاسطك قلت لا والله ابي اسوي نيولوك فيهم محتاجتهم
وقلبي بارد عليه هو سسكت ماقال شي كنت ماناديه باسمه اقول عمري وعمري ومخزنته كذا
صرت اناديه باسمه وخزنته بالجوال باسمه وهو منغبن يقول عيالي يصوتون لي باسمي وش بلاك عيالي
كانوا يقولون له عمري زي ماقول قلت هذا اسمك وش اسوي وهو اول يناديني باسمي الحين بس ياعمري وياعمري
لكن انا ماحس فيه وش السواة عمري 30 سنه واحس شبابي يروح معاه وبنفس الوقت مابي اتطلق
مافيه سبب مقنع حتى لي
لو اشكي لاحد يكذبوني ويقولون العيب منك انا صح قويه بس والله مالي ماعمري نقصت قدره ارزه بالمجالس
بكيف فلان واسئل فلان عشان يعرفن ان له قيمه عندي
الحين شعوري تجاهه غريب يعني اول لاصار مشكله اكرهه وارجع احبه الحين ماكرهه لا احس ببرود يعني
كانه اخوي ماحس فيه ماحبه ولااغار عليه ولااكرهه ولااي شعور يروح يجي يسافر يموت عااااادي
ادري بتقولن وش مطلوب منكن ابي وحده تدلني ع الصح شلون ارجع احبه شلون انسا وش اسوي
مابي اتطلق زي ماقلت اخاف ارفس النعمه ربي يعاقبني هو بعد يعتبر نعمه قليل اللي يدلع زوجته
وبعد ابي ارجع اشتاقله ساعدوني ربي يجزاكن الجنه