ام & امز @am_amp_amz

محررة

شلون اخليها تريحني بنفاسي مو تفقع مرارتي؟!!

السلام عليكم..اخواتي العضوات حبيت أستشيركم في شغلة..
بس مدري كيف أوصلها لكم خخخخخخخخخخ!
السالفه اني حامل ماشاء الله ونفاسي باذن الله راح يكون في بيت أهلي أكيد.
عندي شغاله جديده جايتني من قريب..ابي أستشيركم كيف أخلي شغالتي تخدمني باخلاص أثناء نفاسي وتهتم فيني وبأطفالي من قلب؟
أوضح لكم أكثر..يعني أبيها تفهم انه مالها علاقة بشي لامن قريب ولا من بعيد الا بي أنا وبعيالي فقط..لا تقولون قولي لها هالكلام..مهما قلت بتقول طيب لكن بالها بيكون مع شغالة أهلي..وبتحاول تتهرب مني باللتي هي عشان تزرق عند حقت اهلي وتشتغل معها وتسولف معها.
أنا مو ضد انها تسولف والا تاكل معها..معليش تاكل مع حقت اهلي..تجلس معها شوي اذا عيالي هاجدين وانا ما احتاجها بس أنا احب كل شي بنظام..يعني ابيها خلاص تعرف انها تبعي وبس ..وقت ما احتاجها تشيل حقت أهلي من بالها..مو تخلص مني بسرعه..بسرعه وتسوي شغلي أي كلام عشان تروح لخويتها!
كيف أخلي نظامها علموني؟
ابي استفيد منها بكل شي صراحه لأن ولادتي قيصري..وبنفاسي الاول مرة تعبت.
اللي خلاني أستشيركم هو انه شغالتي السابقه كانت تجنني لما نطلع مكان..بالذات لما اروح لأهلي..ما كأنها تبعي..بالها مع ربعها..تسحب علي وعلى ولدي ومهما وصيتها تقول طيب واذا غفلت عنها انحاشت لخوياتها..انا مو ضد انهم يجلسون مع بعض لكن لازم نعطي كل شي حقه والظروف تحكم أحيانا.
مرة كان ولدي تعبان مره مره وزوجي مسافر وكنت عند أهلي..جننتني الصراحه..لما اناديها تسفهني واذا جت،تجي وهي ماطه بوزها..أقول لها غسلي ملابسه عقب الاستفراغ تكرمون..تقول مو الحين..اذا طلعنا فوق انا وفلانه(تقصد حقت اهلي)!
واذا قلت ابيها الان غسلتها اي كلام وهجت!
يعني مافي اخلاص..قلبها مو معنا!
لذا ما ابي نفس المعاناة تتكرر مع الجديدة،علما بأن هذي الجديدة لما اخذها مكان (استراحة مثلا) أقولها انتبهي للولد..كل ربع ساعه طلي عليه وشيكي..طبعا انا اتابع من بعيد لبعيد واكتشف انها لاتابعت الولد ولا جابت له خبر..الا ضحك وكركره وسوالف مع باقي الشغالات!
بصراحة اتضايق!
ولما اكلمها اذا رجعنا البيت ما اسمع الا اسف مدام..اوكي مدام..وبس.
انا ما امانع انها تسولف وتنبسط بس عاد لازم تسوي واجبها وتتابع الولد لاقدر الله طاح..يبي مويه..اي شي.
انا مو عجزانه عن ولدي لكن الهدف هو اني اعودها من الان على انها تكون تبع الاطفال عشان الطفل الجديد ان شاء الله.
ابي تشورون علي..كيف اخلي نظامها معي في فترة النفاس عند اهلي..كيف ابرمجها على انها تبعي انا وعيالي وبس..مايصير قلبها مع شي ثاني؟
كلنا نعرف انهم ودهم يكرفون كرف الويل بس ما يرتبطون بأطفال
فكرت أخليها تسهر بالليل مع البيبي(معي بنفس الغرفه) وانا وولدي الكبير ننام،
بحيث ان شغاله اهلي بتكون نايمة بالليل وبالتالي ماتنشغل فيها شغالتي،واصحى الصبح واخذ البيبي منها وتنام هي لأن خلاص ما وراها لاتنظيف ولا طبخ ولا عليها من شي..بس المشكلة اني عارفة ومتأكده انها بترفض لأن الشغالات ما يحبون السهر ومايعرفون ينامون بالنهار.
ومرات افكر العكس،اني اخليها تنام بالليل ولما يجي الصباح،تجي عندي طوالي تمسك البيبي عندي بنفس الغرفه،تجلس معاه لحد ما اصحى.
بس راح تطفش،الوقت بيطول عليها وانا عن نفسي مابيها تطلع بالبيبي برا الغرفه..سواء مطبخ أو غيره..تخبرون الرضيع..ممكن يشرق أو أي شي لاقدر الله..صعب الواحد يتكل على الخدامات..اللي بقلبهم مو زي اللي بقلبنا..اقلها لو بيصير شي لاقدر الله بتقول اسفه مدام..مادريت..وش بيفيدني الاسف حزتها؟
تكفون شوروا علي..

واللي بتقول حرام عليك ومدري ايش،خليها تاخذ راحتها..أقول لها انا موضد انها تنبسط لكن كل شي بظروفه..وقت ما احتاجها لازم تريحني..احنا دافعين فيها دم قلبنا ونمشي لها راتب..هذا شغلها ولازم تصبر وتضغط على نفسها شوي..الدنيا مو بالهوى،والنفاسيه مو ناقصه ضيقه وتعب اللي فيها يكفيها.

يلزم عليك تسجيل الدخول أولًا لكتابة تعليق.

تسجيل دخول

حنين الأمومه@ • 15 سنة

حبيبتي

مشكلتك انك تبين لها حل

صدقيني ماراح تلاقين الا اذا جت وحده طبيعتها مايهمها السوالف انا اعرف وحده خدامتها لاتاخذ ولا تعطي معاهم ابد ومريحتها مره

لكن انتي حطي جرس وخليها تحطه معاها باي لحضه رني عليها واذا شفتيها بيوم نشيطه زياده امدحيها تراهم يحبون المدح

وقد ماتقدرين خليها تسوي اللي تبين قدامك تلبس ولدك ولا تشيل الصغير لاتطلع

لكن نصيحه خلي اوامرك ممزوجه بابتسامه بتصير خاتم بصبعك

الله يسهل ولادتك ويصلح امورك

نوم الظالم عبادة • 15 سنة

شوفي يالغاليه------اولا عطيها هديه اذا ولدتي علشان تتحمس------ثانيا------خلي ملابسك وغيارات البيبي حولك تحت مو فوق--------------بحيث انها تجيب لك الاغراض وتبدل لولدك تحت نظرك سواء بالغرفه عندك او غرفه جنب غرفتك--------------------وحطي العاب عيالك والتلفزيون او الفيديو بالغرفه المجاورة وقولي لها خلي فلانه اللي هي شغاله اهلك اذا ماعندها شغل تجي عندك عند البيبي سواء غداء او شاي او سوالف هذا اذا كان الوضع يسمح
مع انه النفاس غالبا مهما حاولتي تنظمين جدول له مستحيل يتنظم لانك عند اهلك والزوار وغيره

والله يهون عليك ويطلعك بالسلامة انت والنونو

راقيه بتفكيري • 15 سنة

الشغالات لما يتقابلون ما لهم حل الله يعينك بس

ام & امز • 15 سنة

راقيه بتفكيري :

الشغالات لما يتقابلون ما لهم حل الله يعينك بس

الشغالات لما يتقابلون ما لهم حل الله يعينك بس

نبهتيني لسالفه الابتسامه..كانت غايبه عن بالي جزاك الله خير اختي..
بس تصدقين انه اذا مدحتها والا قلت لها شكرا..قالت لاتقولين كذا مدام..خلاص انا مو بيبي..انا شغاله وهذا شغلي :o
مدري من وين جايبة هالرد!

جزاك الله خير،أبحاول انظم اموري وربك يسهلها..ألف شكر حبيبتي.

الله يعيننا عليهم ويسخرهم لنا..شاكرة مشاركتك حبيبتي.

ام & امز • 15 سنة

فانيلا وكرميل :

لا يمكنك مشاهدة هذا التعليق لانتهاكه شروط الاستخدام.

جزاك الله خير حبيبتي..بس صدقيني مو كلهم يبان فيهم الطيبه وحسن التعامل..لكن الواحد يعاملهم بما يرضي الله خوفا من الله مومنهم والله يعطينا على قد نيتنا.
ألف شكر ياقلبي.