شلون اعطر عبايتي ؟؟؟

السلام عليكم

بسألكم عن تعطير عباية الطلعه

اولا افهموني قبل لاتهاجموني

عباية الزيارات او الاعراس نعطرها بالعطر الفرنسي وبالعود والبخور وطبعا هالعبايه مايشمها الرجال الاجانب ابدا لحرمة الشي هذا .... متفقين ؟ تمام متفقين

عباية الطلعه العاديه يعني انتي طالعه مع زوجج بالسياره رايحه جمعيه رايحه سوق يعني اماكن فيها رجال اجانب وطبعا ماتقدرين تعطرين عبايتج ابد

بس ساعات زوجي وانا جنبه بالسياره .. يقولي ليه عبايتج او شيلتج مافيهم ريحه ابد ...
عاد لاتفهمون زوجي غلط .. ياويلكم :) .. هو ملتزم ماشاءالله .. ومو قصده اني اتعطر حق هالاماكن
قصده وهو جنبي يبي يشم ريحه حلوه وخفيفه من عبايتي مايشمها غيره لانه قريب مني .. فهمتوا

بس شلون اقدر اتعطر حق زوجي بس اذا قرب مني وانا لابسه عبايتي .. من غير مااخلي غيره يقدر يشمني هههههههههه صار لغز

والله جنني دايما يعطيني هالملاحظه

ومره من المرات قبل لانطلع نروح بيت هله .. والله اني رشيت على عبايتي رشة عطر وحده بس ومن على بعد متر .. هاوشني وقالي يمكن تمرين صوب اخواني ليه تعطرين عبايتج .. قلت له والله بدخل من الباب الخلفي وبقعد مع البنات ماكان قصدي اتعطر .. يعني شفتوا شلون مايرضى

الحين حلوا مشكلتي جزاكم الله خير
وقولولي شلون تخلون العبايه ريحتها حلوه بس مب فاااااااااااااااااااااايحه :)