شلون اغير نظرة زوجي فيني وننسى أخطأنا ؟؟؟

واااجد احب اقرى تجاربكم ووجهات نظركم من اول ماتزوجت وانا ع طول اتابعكن بس مااشتركت الا من فترة قصيرة :) والله يعلم شكثر أراكم ساعدتني في حياتي حتى نظرتي للأمور والحياة الزوجيه تغيرت خصوصا مع أنماط الشخصيه


مشكلتي الي ابي رايكم فيها هي ان زوجي ماينسى أخطائي حتى لو تصافينا يرجع يذكرني فيها مع انها تكون رده فعل على خطإ اكبر منه هو سواه بس دائماً يقولي انه مايحب لنفعل او أغلط لان ع قولته انا أعقل من كذا ؟؟؟ مو مشكله لكن انا لما اغير من شي او ابي أبدا شي جديد بحياتنا لازم يقولي كلمه تخليني أتراجع قبل كان حتى الشي الصغير يشجعني عليه ويمدحني الحين يقولي مثلا أوكي بشوف شبتسوين مع أني عارف النتيجه او ادري شالغلط الي بتسوينه بس علشان ملتقولين ماتعطيني مجال او حتى نخطط حق شي لازم يقول كلمه ان انا بنكد او باتصرف غلط << هو يدقق علي واحنا مختلفين شوي بالتفكير فطبيعي التصرفات تختلف يعني مب انا غلط بس في نظره انا غلط مع أني أحاول لتعود ع طبعه علشان يشوفني أحسن بس ماعندي صبر أزعل من هالكلام !!!!!!
يعني نخطط لشي حلو المفروض يكون مستأنس ليش يتشاآم ؟؟؟ يمكن هذي مب مشكله كبيرة بس في شي غلط يخلي العلاقه مب مستقرة او ان ثقته فيني ماتكون بالصورة الي أبيها !! شلون أتصرف معاه من غير مااخاف ان توقعاته بتطلع صح او أني بخيب ظنه وفي نفس الوقت شلون خليه يثق فيني

ترى تخطيطنا يكون لسفر للمصروف مثلا او حتى استعداد حق مناسبه انا مب عنيده وأخذ رأيه مااتصرف من راسي بس هو شايا كل المسؤوليات وفهالوقت مايصير جذي ضغط عليه وأكيد ماراح يرتاح وانا إنسانه مسؤوله واعرف أتصرف بس مايعطيني مجال وتوقعاته تخليني متردده