شلون تتكيفون لو فقدتوا أعز الناس ؟

زيك قسم بالله وزود على كذا تزوجت وكبرت دائرة اللهم انظمو لشله زوجي وبناتي🙂😂
والله خوف موطبيعي يوميا احصنهم واحصن نفسي من يوم افقد احد فيهم

موقادره اسأل اي احد جرب موت عزيز ماابغى افتح له جروحه
بس بنفس الوقت ابغى احد يطمني انو فتره وتعدي وبتمشي الحياه وربي يربط على القلوب بلحظه الخبر ☹️😭

فترة وتعدي
خلك متفائلة لا تدوري عالحزن
استغرب من الناس اللي شايلة هم متى بتفقد أحد!!
تحمل هم شي يمكن ما يصير.. وش دراكي يمكن تموتي قبلهم
وهم اللي يفقدوك

الله يطول بعمرهم ويعطيهم الصحه والعافيه يارب لا تفكري بشي في علم الغيب الأعمار بيد الله.. اهم شي برهم بريهم واخدميهم قد ما تقدري وحاولي دائما يكونو راضين عنك هذا يعطيك راحه نفسيه وتوفيق من الله..

موت الاب فعليا موت السعاده والفرح وحتى الضحكة اللي من القلب تموت
لحظة مات ابوي انكسر كل ششي حلو ومفرح بحيااتي
مستحيل فقدان الاب فتره وتعدي كذب هالكلام
تفقدين سند تفقدين حنان تفقدين عدل


ست سنين بكل صلاه ابكي عليه كأني فاقدته بهاللحظه
تخيلي اشتاق له وابكي احس ناااااار بقلبي بس تخف اذا ضميت امي الله يخليها لي




قلبتي المواجع الله مااصدق انها تهدأ

فيه مدير احدى الجامعات فقد خمسه من أولاده بنتين وثلاث اولاد والموجع انهم ماتوا قدام عينه
وماتوا في اللحظه اللي كبر فيها بالسن واولاده شباب فوق العشرين وبالسن اللي كان يتحرى نفعهم وأنهم يشيلون عنه المسؤوليه ويكونون سند وعضيد له
تدرين أولاده كلهم ماتوا
ماعاد بقى له ذكور
والمر ان فيه ناس كلهم يشمتون فيه
وفيه اعلاميه خليجيه تقول يستاهل مره طردني من مكتبه
تدرين وش صار
نسى أولاده ومشت فيه الحياه ومصابه جلل ومن قوه مصيبته حتى الملك اتصل به وعزاه
وقبل سنتين بشرنا انه جاه ولدين تؤام سماهم على اسماء ابناءه
عيشي حياتك واتركي المستقبل لله هو يتدبر امرك