اليوم حبيت اهتم بمرحلة كثير من البنات يهملون نفسهم فيها وهي مرحلة (الحمل )
فتشوفين الوحدة مسوده والبشرة باهتة والشعر جاف والجلد جاف ومقشر ..
يعني بالعربي حالتها حالة ..
وبعدين تشوفين الوحدة في مرحلة النفاس ماغير محتارة من خلطة لخلطة وكارهة نفسها وتحاول تصلح اللي أهملته في 9 أشهر ..
طبعا من باب الفائدة حبيت أنزل الجدول اللي كنت ماشية عليه لما كنت حامل .. واللي بصراحة مافرقت نفسي بالحمل ودون الحمل إلا بالكرشة ..
بنات من جد كنت حامل وبشرتي مازالت بيضاء وصافية .. والجسم من دون خطوط بيضاء والشعر ناعم وصحي والجلد رطب ويلق نعومة .. والكل كان متعجب .
ماطول عليكم .. ياطويلات العمر
نبدأ بالبشرة وهي الأساس :
عشان تحافظين على بشرتك لازم تهتمين بشيئين
أولا / الغذاء الصحي ثم الغذاء الصحي
, خلاص احرمي نفسك من المشروبات الغازية والله ماوراها إلا الدمار , وعودي نفسك كل يوم مع الغداء تشربين كاسة لبن . وسلطة . والفيتامينات بتاعة الحمل .ثانيا / الخلطات اللي كنت تسوينها قبل فترة الحمل استمري عليها وأنت حامل لأنك أحوج لها وأنت حامل بشرط تكون خلطاتك كلها طبيعية , من زبادي وشوفان وعسل وماء ورد وزيت لوز وغيره .
وخذي كفايتك من النوم فنامي عن مايقل عن عشر ساعات
وبالنسبة لجسمك :
كل يوم قبل النوم , وبعد التروش رطبي جسمك كامل .. وخاصة الركب والأكواع .بكريم (جلسوليد )أو كريم (دوف)
ويابنات ضروري ضروري تستخدمين كريم (زبدة الكاكاو ) من بداية الشهر الثالث وحتى نهاية التاسع ولاتهملينه ولايووووووم .. وبكذا ماتظهر فيك الخطوط البيضاء وإن كانت موجودة فتخف ..
أما بالنسبة للشعر :
فاستخدمي أي زيت مرتين في الأسبوع .. لأنه في فترة الحمل يتعرض للجفاف .
والشهر التاسع أهم مرحلة للاهتمام خاصة (الترطيـــــــــــــــــــــب ) سواء للشعر أو الجسم
وبكذا أضمن لك بعد ولادتك بإذن الله بالسلامة إنك تكونين راضية عن نفسك .. فتتحمسين تهتمين أكثر مثل اهتمام العروس لزيادة الجمال
وليس من أجل تحسين ماأفسده الحمل ..
وكمان لاأنسى الأسنان , حاولي يكون المسواك عندك عادة يومية ونظفيها زين بعد كل وجبة
وسلاااامتكم .... وسن وبس ..