شلون تكحلين عينج؟؟! تجاربي الفريدة

سلاااااااااااااااام يا بنوتات



ما بعور راسكم وبفرفر بالسالفه..لين تطير السالفه وادخل في سالفه ثانية..........


الكحل وما ادراك مالكحل..........يخلي العيون روعه ...ولو
مو تقولون لي عين كريهه وعين حلوة وعين عودة وصغيرة
وعين لوزية وعين ناعسة ما ادري راقده

كل العيون حلوة ..بس لازم تعرف صاحبتها شلون تكحلها وتخليها احلى...

والكحل مو لازم الوحده تحطه بس اذا عدها مناسبة...تقدر تحطه باي وقت

يعني كحل بسيط وناعم للاوقات العادية.......
اما الكحل الثقيل ..واللي تخط عينها وتسوي روحها كليوبتراا..هاي خله للمناسبات

وهم ما يناسب الكل...ولا يناسب كل مكان....يعني عنده بالكلية بنات الله يهديهم..خاطه العين من خشمها لين منبت شعرها..
:eek:
هاي كليوبترا لو حية للحين جان نظمت مسيرة للاعتراض على تشويه طريقتها في المكياج!!!!:30:

المهم خل نبتدي بكل عين وشنو يناسبها..........

بالنسبة للاحجام................

العين الواسعه والجاحظه

تحملي تحملي تحطين الكحل من براعينج وتخطينهم...لانه الكحل من برا العين يوسعها ..ويخليها اكثر برووز.....

حاولي تحطين الكحل من داخل...واستعملي كحل نوعيته زينه..لانه بيدخل عيونج ...مو اي كحل ترزينه بعينج..
خاصه انه انواع وايد مقلده يحطون فيها رصاص... وهي اصلا ماده سامه..شلون لو دشت عينج
يا ويلي ويلاااااااه........

اذا كلش كلش خاطرج تحددين عينج..حدديها بس من فوق الجفن الاعلى او تحت الجفن الاسفل وبشرط انه السفلي يكوون كلش بمحاذاة الرمش..(( يطلع احلى بعد لانه يعطي ايحاء ان روموشج كثيفة وعيونج مكحلة طبيعي طبيعي))

وبالنسبة لي صراحه افضل الكحل اللي يكون كانه قلم لكن مو بنسل ..يعني ما يحتاج براية ((مبراة اقلام))
مجرد تفرين حد القلم ويطلع الكحل....
بتقولون لي ليش...لانه احيانا المبراة تكسر اطراف دقيقة من خشب القلم...وووقت تحطين الكحل يعلق برموشج

...........الله لا يقول اذا دخلت قطعه صغيرة بعيونج...........الله يستر عليها

بتقولون لي جربي برايه زينه مخصصة للكحل وما ادري شنو..او انه الخشب مال القلم ما يتكسر بسهوله..........

بقول لج اتكلم عن تجربة...مرة اشتريت كحل ..مو اي كحل ..ماركه كراجا..كلمن يمدح فيه ..
مرة بريته ومبراة زينه
وحطيت الكحل ودقيقة واحس بحرقة في عيني..شي ينغزني


واشيل عمري وانط جدام المنظرة واطل بعيني



تخيلون شنو لقيت........فتات صغير كلش من قطعه خشي من الكحل !!! الله ستر على عيني انه ما صار فيها شي.........:09:

من يومها ما شريت كراجا ..وخذت لي نيفيا...


كاني طلعت عن الموضوع.....:hahaha: .......معلي تحملوني شوي...


الحين العيون الواسعه لكن مو جاحظه...

هاي تقريبا تقدر تعفس بعيونها بالشكل اللي تبي ...تبي تحدده من داخل او برااا...

بس احلى شي انها تحدد من تحت الجفن السفلي بمحاذاة الرمش تماما..وتحط داخل العين بعد ......تطلع العين روعه (( هاي حتى العيون الجاحظه ممكن تسويها بشرط ما تحدد فوق عينها بعد))


او تقدر حتى انها تستعمل نوعين من الكحل..واحد شوي افتح من الثاني..........الغامج من داخل..والافتح تحدد ابه من تحت الرموش او الجفن السفلي.......

ليش لانه الكحل اللي بالعين بسيل شوي مع الوقت..فاذا كان اللي تحت غامج كثير بتصير كانها مفركه عينها بالكحل ما ادري متسبحه فيه

ثاني شي نوعين من الكحل خاصة اذا اللي برا ووتر بروف..فانه يقلل من تلعوز الكحل..........

ثالث شي...اذا شوي افتح يبين كانه طبيعي كانه عينج مكحله من اصل مو كحل.........

انه اسوي هالحركه..والبنات اذكر مرة قالوا لي عينج ما شاء الله عجيبة مكحله من الله (( لكن بالاصل انه رموشي طويلة لكن السفلية اخف من العلوية بوايد)) فالكحل بالهطريقة يعادل السالفه ويظهر كانه من الله

العيون الصغيرة نسبيا والصغيرة..


الحذر الحذر من خط العين من الداخل...لانه بيعطي انطباع انه عينج اصغر...
حاولي تخطين عينج من بره العلوي شوي اعرض من السفلي..
وطبعا نفس ما قلت بالنسبة لي افضل لو انه الخط السفلي يكون بمحاذاة الرمش عشان تبين العين اوسع واكثر طبيعية.............

او تقدرين طبعا انج تحطين الكحل الابيض من داخل العين..يطلع وااااااااااااو

يخلي عينج تبين روعه..واسعه ومكحله...............


العين اللي واسعه العرض اكثر من الطول...((ممطوطه شوي))

حاولي انج ما تمدين خط الكحل وايد..لانه يعطي الانطباع انه عينج واايد واسعه بالعرض.. كانها مسحوبة ..تقدرين تحطين الكحل من فوق العين عشان تبين اوسع بالطول...........


مقتطفات اخيرة.........

ترا مو شرط تخطين عينج بالآي لاينر..خاصة اذا ما تعرفين...في انواع من الكحل تيي نوعا ما كانها كريمية..تقدرين تخطين عينج فيها..طيعا اسهل ..بس المشكله انه لازم تحاسبين ما تحكين عينج ..ولا بتصيرين كانها بانداا...او كانج متهاوشة ويا احد ولاخج ببكس على عيونج :22:


بالنسبة للي يعانون .. وعيونهم تسيل وتدمع بمجرد ما تحط الكحل بعينها..لو شتسوي .. او حتى لو ما دمعت..ما تيي ساعتين الا الكحل لي نص خدهاا (( اتطنز ..يقصي يتلعوز ويصير كانه هالة سودة بس صغيرونه))


طريقة سهلة تعلمتها من بنت اختي الحلوة....طريقة سهلة وحلوة

خطي عينج من تحت الرمش السفلي بكمية قليلة كلش من الشدو الاسود...مو وايد ..بس شوي ويا حد الرموش..وبعدين حطي الكحل في عينج...

لا دموع بعد اليوم..حتى لو دمعت حطي كلينكس تحت رمشج السفلي..وان شاء الله ما يسيل.........



اووووووووووو تحياتي لكم

ان شاء الله تزيد حلاتكم على حلاوتكم من الخارج والداخل


لمسات وردية