وعليكم السسلام


كان نظامي زي الفل رهيب أصحى أصلي الفجر أقرا أذكاري خلاص ماأرجع أنام لأني أنام 10 بالليل ..


بعدين ازبط لي قهوة وتمر واتقهوى بعدين أسوي رياضة بعد شويتين أفطر وأتفرج على عصافيري وأشوف وضعهم ابدل اكلهم وانظفهم


بعدين بعد الظهر أجلس مع أمي وأخواني والعصر اقرا اذكاري وأجلس ع النت أشوفلي برنامج أي شي .. والمغرب جلسة اهلي والقهوة


انا اصير خلاص انتهيت ونعساااااااانة اصلي العشاء اتعشى اتلهى بنفسي شوي لحد 10 أنطلق انام .. ماشاء الله





ملاحظة هههههه هذا نظامي اول اللحين انحاااااااااااااس يارب يرجع زي أول .. كان ممتع وصدق الصبح وسيع صدر وطويل روووقااان

الحمدلله على العافيه روتين جدا ممل  والله صادقه الاخت حواءنجد لواحتسبنا اعمالنا لله مانطفش

الصبح ..شور صباحي وسط هالجو الصقعي ..اصحى العيال وابوهم ..تجهز الشغالة قهوة هون بسالصبح ..تلبس الصغار والبس ونخرج دوامات ..وضغط طالبات وادارة والله يكتب الاجر ..نرجع الغدا جاهز ..وبعده نقيل سوا لمن العصر ..القهوة جاهزة مع كم شغله ..نخرج نقضي او نغير جو وم دايم على حسب المزاج ..ومذاكرة للعيال الرياضيات اختصاص ابوهم والباقي انا وتعالي شوفي انواع الصداع وبعدها احضر واوراق عمل ووو وهواش لين ننام روتين ممل الله ي

صدقوني ي بنات
اعرف وحده تدرس بالجامعه وعندها تؤام عيال ومنظمه وقتها بشكل ..!!
تداوم / ترجع / تاخذ عيالها من امها / تسوي غدا / تتسبح / تخلص شغل البيت وشغل عيالها
وفوق هذا كله تسوي رياضه وتهتم بنفسها وتذاكر ن يعجبني اللي كذا وربي
رغم اني ماعندي عيال بس وربي ماقدر اسوي يمكن نص اللي تسويه ماشالله عليها
احس وقتي يمشي بسرعه

مساء الخير لكم جميعا أقوم الفجر اصلي والصحي زوجي وعيالي اصلح الفطور وقهوة الصباح يفطرون ويلبسون ويطلعون ارجع ارتب البيت واجلس على الإنستقرام الى الساعة ٩انام الى الساعة ١١ اصحى اجهز الغداء احضر الساعة ١الظهر يتغدون وينام زوجي والعيال يذاكرون وانا اجلس على النت الله لايبارك فيه يصحى زوجي نتقهوى العصر ونطلع نمشي فالحارة الى أذان المغرب ارجع اصلي وعلى ترتيب البيت أغسل المواعين اكنس أنظف ونجلس على ام بي سي تو ونام الساعة ١٢وكل يوم كذا طبعا ماعندي جيران توى ساكنه حارتي والناس ما يرضون يطلعون من بيوتهم وانا من النوع الي يحب الجيران وجمعتهم الله يرزقني يارب جيران عدد شعر راسي قولوا أمين أحب الجمعات والناس ولا لقيت جيران اش اصلح دلوني ?????? وأخيرا صلوا على النبي