اما انا تاخرت يوم عن موعدها على طول جبت الجهاز تبع التحليل وحللت
وطلع خطين طبعا الثاني خفيف وانا ساير ه راده على الحمام اطالع اغمق والا بعدوا
وطبعا استهبلت كالعاده وقلت لزوجي بصراحه نظري ضعف وما ادري هل فيه خط ثاني والا لا وما اشوف الا الضحكه شاقه الحلج ههههههه وطبعا ما يحتاي على طول باركولي حملت ومن هذا المنوال

مادري ليش يجيني إحساس إني حامل وفعلا اطلع حامل بيوم موعد الدورة أسوي تحليل منزلي ويبين معاي

أولاً: مبروك لكل لحوامل والامهات والله يرزق المحرومات إنشاء الله

ثانياً: أنا قصتي مع الحمل تضحك شوي، لأني وأنا عروس كنت أغسل وأكوي ملابسي وملابس زوجي وإنتوا تعرفو كنادير الرياييل كيف صعب تنكوي، بالأخص مع دلوعة أمها اللي تكويلها الشغالة كل شيء :D ،،، اللي حصل واللي جرا أني ماتحملت الكوي وجاني شد عضلي في ظهري وماقدرت أتحرك... وقالت عمتي لازم ناخذك عند حرمة تمسحك :30: ..

ورحنا (طبعاً كان باقي يوم على الدورة) وشووو قالت الحرمه لما عرفت أني عروس؟؟؟؟؟؟؟؟؟؟
ما أقدر أسوي شيء يمكن إنتي حامل تأكدي وارجعيلي بعدين.. المهم رحت البيت ومرينا على البقالة وخذينا لزقة أعصاب عشان أصبر عمري :( ..

وبالليل اتصلت أختي علي وخبرتها السالفة قالت خذي فحص حمل، أنا سكرت عنها واتصلت على زوجي الساعة 11م وهو عند ربعة وقلت له هات لي فحص حمل.. المسكين ما صدق وحاط على الصيدليات كلها وحصلها مسكرة ودور على صيدلية مناوبه وجاب أغلى فحص وقال يلا سوي الفحص!! قلت لا أحسن الصبح.. طبعاً أختكم ما قدرت تصبر والساعة 2 الصبح دخلت الحمام وسويت الفحص وما صدقت عيوني وحطيت الفحص في مكان بارز ورجعت أنام..

عند الصلاة ما دريت بزوجي إلا جاي والابتسامة على وجهه وقال مبرووك :icon28: ..

والحمدلله جات "سلامه" :27: والحين عمرها 3سنوات.. والله يتتم على الباقيات

اللهم ارزقني وارزق جميع بنات حواء الذرية الصالحة

مراااااحب يا بنات ..
ماعليه تراني داشه عرض لعل وعسى عندكم خبره باللي قاعد يصير لي ..
أما أنا فموعدها الأسبوع الياي .. بتاريخ 24/3/2006 ..
بس أحس من كم يوم بثقل في بطني .. وأحس بآلام في أسفل بطني من جهة اليمين ..
وبطني منتفخ ..
وهذه الأعراض أول مره أحس فيها قبل موعد الدوره ..
أحد منكم صادفتها هالأعراض من قبل ؟؟
وشو فيني هل تبويض ؟!! بس أيام التبويض فاتت !!
أنا اللي أعرفه إنه كثرة الإفرازات اللزجه هي علامة التبويض بس الحين مافيني إفرازات ..
والله محتاره وماأعرف السبب ؟؟!!