دنيا ملونه :

طبعا بعد الاتفاق على الانفصال كنا في حنين وشوق لبعض يعني مانيسنا الايام الحلوه والعشره مع ان زوجي كان في مرحله شوي ويوصل للكره لي ,,, طبعا محد كان يدري من اهلي او اهله بس الكل كان حاس ان في الموضوع ان لان حالتنا مع بعض كانت مو طبيعيه ........ قبل الطلاق قعدنا نتناقش في الموضوع وقلنا شنو الشي الي ممكن ان يعيدنا لبعض زينين طبعا الوعود صارت ما تنفع كل واحد كان يوعد الثاني ان يغير سلبياته الى ايجابيات وما يفيد ( طبعا انا ذكرت سلبياتي ولم اذكر سلبياته ) يعني الوعود صارت خلاص ما منها فايده قلنا مافي الا حل واحد بدل الطلاق والفراق وهو التقرب الى الله ...... شلون ؟؟؟؟ قررنا انه وزوجي نروح الحج مع ان كانت ظروفنا صعبه صعبه صعبه ولا نقدر نروح الحج ولا شي لكن اذا الله كاتب لانسان ان يكون في ضيافته محد يقدر يرد كتبه الله سبحانه ..... المهم اتفقنا وقلنا لبعض ان اذا رجعنا من الحج والحال ما تغير كل الي علينا سويناه وهذا اخر المطاف يعني مافي حل الا الطلاق,,,,, طبعا رحنا لبيت الله وماقدر اقولكم شلون كانت ظروفي صعبه وهو ظروفه اصعب مني لكن الحمدلله على كل حال الله تمم لنا كل شي على خير رجعنا طبعا اول اسبوع مرض في مرض وناس يسلمون وناس رايحين ويايين وكانت العلاقه عاااااديه بحكم ان في الحج هو مع الرجال وانه مع النساء يعني من زمان ما صار بينا هواش ومخانق بعد اول اسبوع الحمدلله رب العالمين مادري شنو الي صار احس روحي صرت وحده ثااااااااانيه بمعنى الكلمه الانسانه العصبيه الي فيني راحت وصارت وحده حكيمه حليمه تفكر مليون مره قبل لا تزعل او تقول كلمه لزوجها او تفكر في أي شي .... صرت وحده قنوعه راضيه بحالي واقول الحمدلله مليون مره ان زوجي هذي سلبياته احسن من زوج يشرب او ما يصلي او يضربني او او او وانتو اعرف ببلاوي هالزمن , حتى اذا يطلع ويزود الطلعات اقول الحمدلله انه يطلع وهو معاي احسن من يكون متزوج وحده ثانيه ويروح لها وانه ماكله تبن وساكته والحمدلله انه يطلع اماكن مشروعه احسن من واحد يروح يزني ويشرب وفي نفس الوقت هو لما شافني متغيره تغير الحمدلله للاحسن انه ما اقولكم رجع مثل ايام الخطوبه لكن الحمدلله واااااااااااااايد واااااااااااااااااايد تغير اذا زعلت صار يراضيني ( طبعا اذا زعلت على شي وجيه ) حتى صار يتكلم معاي ويشكي لي همومه ويقول شنو يصادفه من اشياء قبل ماكان يفتح فمه ولا ينطق ولا يقولها , المهم ان حالته معاي تحسنت ولله الحمد.... انا هني بذكر لكم شنو الاشياء الي خلتني اتحسن عشان تستفيدون مني مثل ما انا واااااايد استفدت من هالمنتدى ومن نصايحكم

طبعا بعد الاتفاق على الانفصال كنا في حنين وشوق لبعض يعني مانيسنا الايام الحلوه والعشره مع ان...