كوبونات الراقية تسجيل الدخول

AMURRA
AMURRA •
واعجبني انا ايضا
يمن لو عندك نصائح اخري لا تتاخري وتعالي قوليلنا احنا محتلسين بدون الاهل
AMURRA
AMURRA •
حبيبت زوجي888 حبيبت زوجي888 :
والله اني كرهت اليوم اللي انولدت فيه واليوم اللي عرف فيه زوجي والله اني ابغى اموت ولا اعيش العيشه هذي الله يخارجني من الهم اللي انا عايشته معه ويفكني شره يارب
والله اني كرهت اليوم اللي انولدت فيه واليوم اللي عرف فيه زوجي والله اني ابغى اموت ولا اعيش العيشه...
اظنك كتبتي وقت غضب
اهدئي والجئي الي الله ولن يخيب ظنك ابدا
الله معك ويحميك من كل شر
لبا العرب
لبا العرب •
يارب توسعها علينا وعليكم ويفرج همومنا

طيب من المنطلق هذا نبي حلول منطقيه


لاتقولوا سوي اللي يحبه ودلعيه بعضهم ماراح تنفع معاه معاملة الدلع لان يفكر انه ملك وانا جاريه :)


عجبني حل جربته وهو التطنيش والاهتمام بنفسي

يعني ادلع نفسي بنفسي


وغير كذا احاول بقدر الامكان اني اتعلم والهي نفسي بحاجه تنفع


يابنات اللي تقول يارب اموت ومش عارفه ايش


ورب الكعبه اني اكلت بالغربه كثير وانقهر وادعي ربي واتحسب


وتفرج ولله الحمد



فلا تحطموا انفسكم كنت مثلكم وزود لدرجة اني ابكي وهو نايم بجنبي وكل يوم على الموال الحزين


بس وبعدين فضفضت اليوم


وبكره


واللي بعدوه



ومليت الوساده دموع :)



وبعدين !



حبي نفسك وراح تتغير نظرتك والله يابنات غيرت فكرتي هو صحيح تحسي بالقهر اذا حسيتي بالتهميش

وخاصه زوجك اذا همشك ، لكن انتي لا تهمشي نفسك


احنا احق بالدلع عاد كيف ومتى انتظركم نتناقش هنا :32:



وكل وحده تدلي بدلوها :)



ممنونه لتواصلكم العذب
COLD STONE
COLD STONE •
السلام عليكم

الله يفرج هم كل مهمومة ويسخر لها زوجها

الغربة تسبب قسوة فى القلب وفراغ وملل واكتئاب وكل هذا بينعكس على الحياة الزوجية بالتأكيد

في البداية تلاقي ملل كثير والكآبة والبعد عن الاهل والاصحاب

بس بعدين لما الواحد يندمج في المجتمع ويعمل علاقات وبرنامج لنفسه ماراح تلاقي وقت فراغ ولا راح يدخل الملل لحياتك

ليه ماتشغلين وقت فراغك صدقيني ماراح تحسين بالوقت والملل والتهميش لانك اذا عندك فراغ كبير اكيد بتحسين ان زوجك

مقصر من ناحيتك وانك وحيدة ومافكر فيك وان وان وان ....وبتاكل فيك الهواجيس

صدقوني لو تشغلون فراغكم اريح لكم خاصة اللي ماعندها اطفال يعني تكملين دراسة او تهتمين بنفسك اكثر

تمشين على نظام صحي للتخفيف واذا ماتتشجعين لحالك اتفقي انتي وجاراتك تعرفي على بنات اختاري هدف معين وحققيه حتى لو بيطول اهم شي

تحسسين نفسك انك ماضيعتي وقتك في الغربة وانك انجزتي شي


نصيحة اخت لا تكثرين طلبات وتذمر ومشاكل صدقيني ماراح يفيد بالعكس بيضرك اكثر وبيغير زوجك عليك اكثر الرجال يبي

لهم اللي تعرف لهم يبيلهم مسايسة وانتي واسلوبك اضغطي على نفسك شوي استغلي وجوده لوحده معك

كوني الزوجة والصديقة والاخت والام حسسيه انه محتاج لك وانك محتاجة له صح ان الشغلة بتطول لكن بتجنين ثمارها بعدين

لاتنسين زوجك هنا يشوف اشكال والوان يشوف حريم الله يستر علينا ما

عمره شاف مناظر زي كذا في بلدنا يغرون الرجال باي طريقة باللبس بالدلع بالنعومة حتى لو شكلها شين فيه شي فيها يجذب عشان كذا

عندك مهمة ( واجب ) يمكن تكون صعبة عند بعضنا لكنها ضرورية خليه يشتاق لك ويشتاق للبيت وضعك هنا مو مثل وضعك بديرتك


خلي في بالك شي واحد اكيد زوجك معه اصدقاء كثير متعرف على زملاء كثر لكن كلهم مو مثل دور الزوجة بحياته بيستغني عن اصدقاء او

زملاء لكن مايستغني عنك حتى لو ماحسسك بكذا


صدقيني الرجال مايحب زوجته تتذمر وتتشكى على طول انا مااقول لاتبينين انك متضايقة من تصرفه لا علميه خليه يعرف ان تصرفه هذا

ضايقك لكن مو بصياح وزعل طويل وتذمر كل شوي . نصائح اختي yumn الله يجزاها خير بتفيدك كثير


الغربة فرصة تقربك من زوجك ماراح تنفردين بزوجك مرة ثانية فترة طويلة

اخر نصيحة سلاح الدعاء سلاح خطير إن زوجك قلبه بيد الله، النبي - عليه الصلاة والسلام – يقول: (قلوب العباد بين أصبعين من أصابع الرحمن يقلبها كيف شاء)

القادر على تغيير قلب زوجك هو الله والله وعدك أن يستجيب لك إن سألته بالتوجه إليه بالدعاء، واصبري، واصبري، وإذا ما ناقشت فناقشي وبهدوء

حتى لا تدخلي الشيطان بينكما ولاتنسين اكثري من الاستغفار مفعوله عجيب


الله يهدي ويسخر لنا ازواجنا ويشرح صدر كل مهمومة

واسفة على الاطالة
لبا العرب
لبا العرب •
^

كلامك قمه ربي يحفظك

ولاهانوا البقيه