شلون وهي البارحة كلمتني

راحت تعالج من مرضها ولا جت
.. معقول ماترجع وهي أوعدتني

ماني مصدق لو يقولون ماتت
..شلون وهي البارحه كلمتني ؟؟

قالت : اكيد أنك لصوتي تشوقت
.. قلت : ااااه كلك يالغلا شايقتني

أشتقت لك ولنضرتك حيل أشتقت
.. ولهمستك وبسمتك ساحرتني

ولمعانقك يابعد عمري تولهت
.. وكلمة هلا حبي ,, وربي وحشتني

قالت : أحبك ,, قلت : وأنا فيك مت
.. واللي يحفظ بالغلا مالكتني

قالت : وتنسى صورتي قلت : لاكنت !!
.. ينساني الله كانها فارقتني

وهلت دموع الغاليه ,, ثم قالت
.. قالت : أحس أن المنيه لفتني

قاطعتها ,, أستغفر الله يابنت
.. وعجزت أكمل عبرتي أخنقتني


قالت أبي منك الوعد لو أنا غبت
.. تحفظ مشاعر حب فيك جمعتني

قلت أحفظه واحفظك دام انا دمت
.. بس إرجعي ,,, فرقاك موت أرهقتني

قالت كذا يانور عيني أنا ارتحت
.. والوعد باكر ,, بعدها ودعتني

وقالو صدق أنها ( توفت )
.. وشلون وهي البارحه كلمتني ؟؟