شلون ينصبن على خلق الله !! نسوا انه في حسبي الله و نعم الوكيل وراهن

السلام عليكم و رحمة الله و بركاته

بدخل في الموضوع على طول

هذا يا طويلات العمر صديقة لي تشتغل في التصاميم و المجلات و كذا .. المهم هي مو غبية ، لا هي مسلمة و تتعامل بأخلاق الاسلام و أولها الثقة . ..

تقول انا متعودة اني اشتغل الشعل المطلوب مني و بعدين اسلمه لصاحبته و عادي متى ما تدفع البنت تدفع .. بس ذوقا ما يتأخر عليها احد بالغالب لسة الدنيا بخير الحمد لله و زبوناتها يدفعن على الوقت المحدد دائما ..

المهم لا اطول السلافة في يوم سوت شغل ل 3 بنات طبعا ما يعرفن بعض بس انهم الثلاثة ماطلن فيها وليومكم هذا ما شافت من ولا وحدة فيهم قرش احمر .. وحدة بس تتواصل معها على المسنجر تقول ما صارت تطلع متصل و لا ادري وش اسمها .. و الثانيات يطلعون واتس اب بكل وقاحة ما يكلمنها اذا رسلت يطنشوووون .. مرة فاض فيها ورسلت لهم في رمضان ( بعد 6 شهور مماطلة منهن ) و الله ما احللكن .. و يردن ان و الله ما نسيناكي لكن الوالد لسة ما حول و هل اعذار السخيفة .. يعني تقول مو هالمبلغ كل وحدة عليها تقريبا 300 ريال ! علما انه وحدة تدرس بجامعة الامام شريعة ( سبحان الله ) و الثانية ساكنة في المدينة المنورة مدينة الرسول تسمع كل يوم الاذان من الحرم ..

ما ادري شلون يجيهن قلب ينصبن و هن اكثر العارفات انه حقوق العباد مافيها مزح بحكم دراسة الاولى و سكن الثالثة !

المهم صديقتي تقول كل مرة احاول اني اسامحهن واقول يا رب عوضني عن تعبي و انا مسامحتهن و خلاص نسيت .. تقول مافي يومين ويغلي الدم بعروقي و اصير ابكي ليش كذا يضحكن علي .. تقول و اتراجع و اصير ادعي عليهم حسبي الله و نعم الوكيل الله لا يسامحن .. و الله ما احللهن

الخلاصة البنت تخاف تدعي على احد و ما تبغى تكون حقودة او شايلة بقلبها على احد و بنفس الوقت ماهي قادرة تاخذ حقها او تحللهن .. و نفسيتها تعبانة ما تدي وش بتسوي !

طلبت مشورتكن يا بنات .. بالله عليكن ساعدنها خففوا عنها باي كلام طيب .. او شوروا عليها وش تسوي عشان تريح نفسها