ماشااااااااء الله عليك نجديه وصح لسااااااااانك

والله إنه شعر جزل وقوي ..... استمري والله يوفقك

تسلمين ياالغاليه وصح بدنك وعطرتي متصفحى بمرورك العذب وفالك الطيب

الأخت .. نجدية



قصيدة رااااااااائعة


بس ممكن تسمحين لي


ياليت منهو يلبس شماغ وعقال
................. ويفعل فعولن مافعله الرياجيل
يجازى الطيب على طيب الفعال
................. ويصدعن لمه هل القال والقيل
واليا ذكرت الطيب لطيب منزال
................. متوارثين الطيب جيلن بعد جيل
واليا تعزوت وانتخت بنت رجال
................. ماهمها ماهمها كلمة ضعيف الاقاويل


ياليت منهو يلبس شماغ وعقال
................. ويفعل فعولن مافعله الرياجيل

بيت رائع للغاية



البيت الثاني :

يجازى الطيب على طيب الفعال
................. ويصدعن لمه هل القال والقيل

الشطر الأول مكسور وواضح الكسر فيه

أما الشطر الثاني فهو موزون


البيت الثالث :

واليا ذكرت الطيب لطيب منزال
................. متوارثين الطيب جيلن بعد جيل

وهالبيت أكثر من رائع


البيت الرابع :

واليا تعزوت وانتخت بنت رجال
................. ماهمها ماهمها كلمة ضعيف الاقاويل

الشطر الأول رائع للغاية

أما الشطر الثاني مكسور وبحاجة للتعديل

.................

طبعا هاذي ملاحظاتي على قصيدتك

والقصيدة لكي يطلق عليها (قصيدة) لابد تكون كل أبياتها موزونة

حاولي تجبري كسر الأشطر المكسورة

وغنيها على أي بحر ليتضح الوزن


أعتذر لتطفلي على القصيدة

ولكني ومن باب الميانة وإعجابي بقلمك

حبيت أوضح لك الكسر الواضح في بعض الأبيات


تحياتي

أختك

قصيمية

مرحبا ومسهلا ياالغاليه وانتي تقصدين الرياجيل صح مفروض الرجاجيل بس تصدقين ما امداني جتني وعلاطول كتبتها و عزيزتى انا من عائله تتنفس الشعر وراثي\\\ مو غرور \\\ وكل الشكر لك ع الهتمام والمرور وفالك الطيب

هناك بعض القابائل تنطق جمع رجال رياجيل

وأتوقع ان نجديه تنتمي الى نفس قبيلتي اللي جمع رجال عندهم رياجيل

سواء برياجيل او رجاجيل فالموهبه واااااضحه وبقوة .......وإلى الأماااااام يابنت العم