هلاااااااااابكم يالغالين مشكورين وسوووري مارد بسرعه بس ملاقي نت زين الا عند اهلي المهم امس اشتريت غسالة اواني اريستون ونشاف حراري ويربول وعندي غساله اتوماتيك والله ييسر امري مدري بتصدقوني لو قلت لكم انو مرتاحه انها بتروح لجل شي واحد اولاااادي خربوهم الشغالات بالدلع كل ماحزمت في التعامل جات الشغاله وخربته تصدقون ولدي بهذلني ليت تعلم الحمام والسبه هي الاخت ماتبي تعني حالها بالملابس كل مامشى وضع الولد تتغافلني وتلبسه بامبرز وذا سالتها ليش تقول هوباقي صغير مايعرف حمام وعمره 3سنوات بس انا شلتها نهائيا من الولد وانا صرت مسؤوله عنه لوشومايصير ماتقرب والحمدلله الحين تمام وبصراحه مابي الصغير يجي مثله بس يبي الشيل والدلع انا باحاول واكيدباطرح تجربتي سواء نجحت او فشلت

عساك عالقوه يارب

قرار رائع ربنا يعينك عليه

انا رفعت شعارك قبل سنه وما زلت صامده الله يعطينا الصحه والقوه

الحمد لله عندي الغساله والنشافه وغسالة الصحون

الله يديم علينا فضله

واهم شي راحة الانسان النفسيه

وفعلا تأثيرهم سئ في التربيه

ربنا يوفقك

نشاف حراري ويرلبول انصحك فيه وبيخف عليك الكوي غسالة فل اتوماتيك حلوه ومريحه من ساكو ممسحة سيراميك وملتحتاجين فوطه غسالة صحون ماعندي بس انصحك فيها مكواة كبس عليها مدح كثييير والله يسهل امورك

جيبي طقم ميتاج طقم غسالة نشاف ليه ميتاج غسالته عشرة كيلو وفيها عمود وهي عند أهلي من زمان وعندي من 3 سنوات رائعة الميزة الي فيها ممكن لو نسيتي ثوب مثلا تقدرين تفتحين الغسالة وتحطينه مو مثل الغسالات الي تفتح من الأمام هذي ميزة بالنسبة ايضا الصابون تكبينه على الملابس مو لازم درج خاص

والنشاف حقتهم روعة ولا فيها كلام وكبيرة عشرة كيلو
والطقم ب4000 الا شوي

واشتري غسالة مواعين انا ما بعد شريتها لكني مقررة بوش بإذن الله بس ادور شيء بدون وجه عشان اركبه مثل المطبخ لقيت في اريستون بس انا ابي بوش لو ماحصلت شكلي باخذ اريستون


وأيضا نظمي وقتك هذا اعيب الي فيني انا للأسف سالفة النظام ماعندي عشان كذا احس اني اتعب وأنا موظفة ايضا

انا ياقلبي ماني موظفه وشغالتي سافرت في اخر شعبان
والله اني اتعب صراحه وماانام الا وانا منتهيه وماعاد احصل وقت اهتم فيه بنفسي
حتى لما اخذ شور عيالي ورا الباب يدقون
تعودنا على الدلع والكسل كلنا لا انا ولا عيالي
بنتي ماتشيل شي ولاترتب مع انها كبيره عمرها 10 سنوات بنت الجيران بعمرها
وتشيل نص شغل البيت عن امها لانهم ماتعودو علىالشغاله
بنتها اللي عمرها اربع سنين ماتشوف شي طايح الا تركض ترفعه وعيالي ليتهم يخلون الغرفه مرتبه لما ارتبها لهم
انا زيك بحاول اصبر واتحمل واشوف والله راحه نفسيه فضيعه وتحسين باستقلاليه
واغراضنا صارت تطول الصابون والكلوركس والمنظفات
وحتى الخضار والفاكهه اول بوجودها بس نشتري كل شوي
الحين تخيلي لنا ثلاث اسابيع باقي كل شي ماخلص
القهر انها خربت غسالتي الاتوماتيك الله لايوفقها
واشتريت غساله عاديه بحاول اشتري مجفف حراري وغسالة صحون
لان اصعب حاجتين في الشغل المواعين ماتخلص ابد ابد والكوي اكرهه بقوووه