الجمريه ....
لاكن بطريقه لذيذه
وتفتت معاك وتقرمش 😁
اليك الطريقه ع زي زتي السنع هه
المقادير /
كاس طحين بر
كاس طحين ابيض كويتي
ملح
زيت
الطريقه وهي الاهم ركزي معايا
ضعي كوبين الطحين
والملح
وقليل من الزيت وكتري شويه 🤣
وابدي افركي واخلطي وفتتي الين يتجانس
الطحين مع الزيت والملح
وتصير مفتته (السر هنا في هالحركه )
عقبه اعجنيها بالماء وتكون شوي متماسكه للكن فيها ليونه
حمي التاوه وتكوني داهنتها بزيت
وضعي العجينه وافرديها بالتاوه
وغزغزي بصابعك الناعمه عشان ماتنتفخ ويطلع الهواء
واقصري عليها بنار هاديه وغطيها
اتركيها تتشقر من تحت وعقبها دخليها الفرن من فوق
الين ماتتحمر
نجي للنقطه الاهم
طلعيه واكتميها عشر دقايق بالحافظه
وعقب افرميها باي زيت تحبين
انا افضل الزيت زيتون وانتي عاد واللي تبين
قدميها مع كوب شاي حليب وابتسامه براقه ...😁
ع فكره يالسنعات ترا الطريقه اخذتها من امي ولا ادري قد احد
نزلها اولا من قبل ....
👍
والان ورينا سناعتك وطبقي ....