هذا أول موضوع لي احطه بالمنتدى وان شاءالله يعجبكم
وتكون البداية لمواضيع تانية
اليوم بعلمكم شلون نسوي شمعة الجبس خفيفة وحلوة وماتكلف
وتنفع هدايا للي عندها طالبات حلوات مثلي:)
كمان ماتحتاج لمهارة أو فن
وهذي ميزة الأشغال الفنية :27:
أولاً شنو بنحتاج من خامات
- مقدار من الجبس الأبيض (جبس أبيض مو سمنت أبيض)
- موية لخلط الجبس
- شمع عادي حتى لو مكسر أو ذايب
- شمعة الفواحة الصغيرة
- قوالب للشمع
أي قوالب عندكم تنفع ان شاءالله قوالب كيك - علبة برنجلز فاضية أو عيدان البطاطس ...الخ
أنا اخترت صحون بلاستك لأني ابي أسوي كمية من الشموع
يالله استعدوا للطريقة
وهذي القوالب
بعد مانخلط الجبس بالموية ويعطينا مثل قوام الزبادي نصبه بالقوالب ونخليه بمقدار ثلاثة أرباع القالب
ونتركه لين يجف تماااماً (حوالي ثلث ساعة) بعد الحين الجو حار يساعد على الجفاف بسرعة
الحين مرحلة تذويب الشمع
ومن الضروري تكون عندكم قدر خاصة بالشمع أو على الأقل ماتنفع للطبيخ والنفيخ:
كسروا الشمع وحطوه بالقدر وخلوه على نار هااااااادية
أو في حمام مائي أفضل
وراقبوه وهو يذوب مابياخذ الا خمس دقايق
انا هنا حبيت اسوي الشمعة طبقات 00فأول طبقة حطيت أزرق وأحمر وأبيض عشان يطلع لي بنفسجي
الحين طبعا بيكون الجبس جف
بنصب الشمع البنفسجي عليه بحذر 00لكن انتبهوا ملاحظة مهمة
لما يذوب الشمع اتركوه شوي بعيدا عن النار قبل ماتصبوه في القوالب (نص دقيقة تكفي)
عشان مايسوي حفرة بوسط الشمعة من شدة الحرارة
ومن المهم ابعاد الأطفال أثناء العمل
الحين نحط شموع الفواحة في نص الشمعة
انا تركت البنفسجي يجمد تماما وبعدين ركزت الشمعة الصغيرة في النص
وهذا بعد ماذاب
بعد بعطيكم معلومة مهمة
من المهم عدم ايصال الشمع لمرحلة الغليان
وأول مايذوب الشمع ارفعوا الفتيل من القدر بسرعة
وصبوه في القوالب بحذر لاتنسون
وانتظروا البرتقالي يجمد حول العشر دقايق
الحين المرحلة الثالثة والأخيرة واخترت اللون الأخضر للشمعة وأضفت الأخضر والليموني والأبيض
زين على مايذوب باكل هالخوخة تفضلوا
وهذا هو ذاب
وصبيته على الشمع
خلصت خمس علب شمع على 48 شمعة جبس يابلاش