السلآم عليكم ..
ي رب يعبجبكم موزوعي اليوم موضوعي الماضي مرره انقهرت عليه سويته وابغاا اكمل والصور مارضت تنزل :09:
اماا اليوم ان شاء الله يظبط
اتابعها من مده في موقع اللوك بوك وعجبني تنسيقها للقطع + ذوقها + جسمها ماشاء الله يحلي اي لبس ،، ونادرا ما تلبس شي مو حلو او مو انيق
طبعا موضوعي برعايه زارا بقولكم ليش لان هالانسانه تعشق شي اسمه محل زارا
بتلاحظون كل لبسها من هناك ،، حتى في البلوق تكتب لمتابعيها لا تعصبون علي اليوم بعد رحت واشتريت من زارا
وهالشي بالنسبه لنا مفيد لان زارا في متناول الجميع + انها تلفت نظرنا لبعض القطع الرائعه في اللبس بس نغفل عنها واللي موجوده في محل زارا وباقي المحلات المتوفرة عندنا مثل اتش اند ام ومانغو وغيرهم ..
شي ثاني بتلاحظونه عن هالبنوتة انها تحب الالوان وخصوصا اللونين الازرق والاخضر وتوظفهم بطريقه مناسبه وتطلع بلوك موفق دايما
وايضا بتلاحظون انها تكرر القطع وايد ،، وهالشي اقتصاديا ونفسيا مناسب لانها تتعلم كيف تشتري وتلبس مو نفسنا نشتري ونكدس في الكبت
مع كل لوك بحط بعض التفاصيل عن القطع من وين واي محل واذا فيه قطع ما حطيت مصدرها يعني انها من محلات مو عندنا او هي ما كتبتهم في بلوقها
اللوكات ممتعه جدا تابعوني لاخر الموضوع
في البدايه كتبت الموضوع على اساس شرح كل لوك بروحه واكتفيت بشويه لوكات ،، بس لما شفت تنسيقها للقطعه الوحده باكثر من طريقه قررت اجمع بعض اللوكات المتشابهه لان هالشي بيفيدنا طبعا وبيعطينا افكار
تي شيرت كاروهات ابيض واسود وفيه لون رمادي اطن بعد ولاحظوا انه من زارا مان ،، استخدمت لون تنورة اورنج رائع معاه واكسسوار ورده ع التي شيرت بنفس لون التنورة فعلا اختيارها موفق لان اللون الابيض والاسود دايما يعطينا لوك باهت لكنها عطته حيويه باللون الاورنج + لون الكلتش الاخضر حلو جدا مع الاورنج
مرة ثانية استخدمت نفس التي شيرت مع شغله كاجوال ودايما تخطر فبالنا واللي هي الجنز الاكسسوارات مناسبه وحلوة والشوز رووعاا ومختلف عن باقي اللوك عطاها انوثه برايي + الكلتش اللي ما تستغنى عنه ايضا اضافته مناسبه
مرة ثانيه مع التنانير الواسعه وهالمرة هالتنورة اللي تفتح النفس من زارا عجبني كل شي في هاللوك الالوان متناسقه مع بعضها حتى الوان العقد تشمل الوان باقي اللبس ،، قصه ولون الجاكيت اكثر من راااائعه
- نفس الجزء العلوي ما تغير بس هالمرة مع بنطلون لونه وشكل خامته جدا رائع ومن زارا بعد ،، الشنطه نفس لون الجاكيت اما الشوز يناسب لون التوب وكل شي متناسق ومريح للعين في هاللوك
هني اقتبست لوكها من لوك سرينا او بليك ليفلي بطلة مسلسل قوسب قيرل وكاتبه انها وايد تغار من ملابسهم ههههه وانها لما شافت هاللبس على بليك اتذكرت انها عندها نفس القطع ونسقتهم مع بعض وطلعت بهاللوك ،، بخلي التعليق لكم بصراحه اي وحده احلى
- البلوزة والجاكيت ملفتين للنظر بشكل خيالي ،، وما ابتعدت وايد في الشوز نفس درجه البلوزة ،، وما حبت تطقم اكثر في الشنطه اختارت اللون البني اختيار موفق وطلتها رائعه
هني فقط البلوزة والشوز نفس بعض في الصورتين بس اللوكين فيهم شي مشترك من ناحيه الالوان ،، عجبني الجاكيت الابيض وقصته ما اظن اني لو شفته في زارا بشتريه مدري ليش المهم يمكن لاحظتوا انها تحاول تبتعد عن الستايل الكلاسيكي وتعتمد موضه الكلر بلوك
لون التنورة حلو طله عاديه نوعا ما ،، الاكسسوار حبيته ذهبي نفس لون سحاب التنورة والكلتش ،، تعجبني انها تهتم في ادق التفاصيل وتستغلها استغلال صحيح
- هني غيرت التوب والجاكيت بس ،، اختارت كورسيه اسود وجاكيت اخضر اللي براايي احلى لون مع البنفسجي .. اللوكين حلوين واللي محليهم التنورة البنفسجي
- هاللونين مع بعض جدا جريئين ،، استخدمت حزام لان الفستان لو كان استريت ما كان بيطلع بهالروعة ،، وخلت الشوز والكلتش نيود عشان ما تبدع اكثر بالالوان
نفس الدريس بس هالمرة مع اللون الذهبي والبني هالمرة ،، حبيت الصندل والحزام ،، هالانسانه عادي عندها تمكس كل الالوان مع بعض هههههههه
برب لاحد يرد
لوك فرايحي والوانه حلوة ،، دايما الاحظ انها تغير في شكل البلا
يز الرسميه وهالشي يعطي حيويه للوك ،، التنورة المشجره حلوة واستغلت الوان التشجيره في اختيار الشوز الوردي والاحمر
ثانيه مع افكارها المميزة استخدمت سكارف كحزام للفستان الموف الرائع ،، لاحظوا تداخل الالوان عني انا مستحيل اتجرا واطقم هالسكارف مع الفستان + انها ما استخدمته كوشاح بل كحزام وربطته بطريقه معينه هالشي حلى الفستان اكثر بدل ما يكون ساده وما فيه شي ،، العقد والكلتش الوان مناسبه وحلوة
لاحظوا الفستان والحزام كله من اتش اند ام لو انا ما بفكر اشتري هالحزام البني مع فستان طبقات !! بس طبعا هي جريئة ولبستهم وطلتها رائعه وموفقه ،، وطبعا هي تموت ع اللونين الازرق والاخضر مع بعض عشان جي خلت لون الشوز والخاتم اخضر اما الشنطه المكروفه خخخ نفس لون الحزام
الجاكيت رااائعه جدا وطالعه مميزة مع لون التنورة ،، ومرة ثانيه استخدمت الحزام والشنطه البنيه ،، تعجبني تكد كل قطعها كد ههههههه يبالنا نتعلم منها
حلو الدريس طبعا هي شكلها تحب الساده اكثر من القطع الرسومة ،، المهم انه الكلتش الوردي الغامق مناسب وحلو مع الفستان ...