شنطة

انا ودي اعرف البدايه اللي هي القاعدة
إن شاءالله البنات يساعدونا
موفقة

البداية حبيبتي زي يداية القبعة بالضبط تستمرين بالتزويد الين الحجم اللي تحبين وبعدين تكملين بدون زيادة للطول اللي تحبين وتسوين حواف مثلثات بالأطراف وتوصلين فيها اليدات والبطانة والسحاب والسلام
اتمنى ان الفكرة وصلت

للين الحين ما وصلت لي ...فهموني عدل

حأحاول أوضح حسب فهمي
البداية انك تعملي القاعدة بالطول الي تبغيه
مع العلم انك حتزيديه بعدين
مثلا تبغي طول القاعدة 20 سلسلة
تعملي عشرين سلسلة
بعدين تزيدي 3 سلاسل عشان تعملي غرزة عمود بلفة
بعدين تعملي في السلسلة الرابعة من جهة السنارة 6 عواميد
بعدين تكملي عامود واحد في كل سلسلة الين ما توصلي لآخر سلسلة تعملي فيها برضو 6 عواميد
وتكملي عامود واحد في كل سلسلة من الجهة التانية إلين ما توصلي للثلاث سلاس وتقفلي بمنزلقة
بعدين تنتقلي للسطر الي بعدو تعملي 3 سلاسل ارتفاع وتعملي عامودين فوق الـ6 عواميد الي عملتيها في سلسلة وحدة
والبقية الي من الجوانب تعمليهم عامود فوق كل عامود

وكذا خلصنا القاعدة
وحنبدأ نعمل غرزة حشو مثل الشنطة(أعتقد إنها غرزة حشو)
وإذا إنتي حابة تزيدي حجمها مثل الي بالصورة
إول شي نعمل 1 سلسلة ارتفاع
بعدين نعمل غرزتين حشو في كل فتحة
يعني فوق كل عامود غرزتين حشو
إلى نهاية السطروتغلقي بمنزلقة
وتكرري نفس الشي في السطور ال بعد إلين ما توصلي للحجم المناسب
تصيري تعمل غرزة حشو واحدة في كل فتحة
وتكملي غرزة حشو واحدة فوق كل غرزة حشو إلى أن تصلي للإرتفاع المناسب وبعدين تعملي يد للشنطة
وإذا حابة بعد العيد أحاول أعمل ورشة عمل لأن أنا أبغى شنطة للمدرسة
أو إذا تبغيني أعملك باترون مرسوم دحين
وبالتوفيق
أتمنى أكون أفدتك
وأبغاك تدعيلي عالفطور ربي يحقق الي في بالي

الله يوفقكِ وتعملين مثلها

ايه شكلها غرزه حشو متعبه في الشغل

بس راح تكون أقوى في الأستخدام