شنطة الخير ملايين الحسنات وعتق من النار ان شاء الله

السلام عليكم ورحمة الله وبركاته

اخواتي في موقع عالم حواء بمناسبة قرب الشهر الفضيل شهر رمضان
عايزه تكسبي حسنات
وتطعمي محتاجين
ويكون جزاءك الجنه ان شاء الله
طيب شاركوا بسرعه في مشروع شنطة رمضان.......شنطة الخير
ايه هيه شنطة رمضان
شنطه بيبقى فيها مواد غذائيه بيتم توزيعها على الفقراء والمحتاجين استعدادا لاستقبال الشهر الكريم لتكفيهم احتاجاتهم في هذا الشهر
طيب ايه مكوناتها
مكوناتها كالتالي مع الوضع في الاعتبار انه لو عايزه تغيري في الكميه او المواد نفسها دي حاجه ترجعلك
3 كيلو سكر
1 لتر زيت
2 كيلو سمن
2 كيلو مكرونه
3 كيلو ارز
1 كيلو لوبيا
2 كيلو فول
1 كيلو تمر
طيب عايزه تعرفي تشاركي ازاي
الطرق كتير جدا والحمد لله
اولا ممكن تدوري في بلدك على فريق لصناع الحياه وتشتركي معاهم لانهم شغالين في الموضوع ده دلوقتي
او
تشوفي عيلتك وقرايبك واصحابك واصحاب اصحابك وتكلميهم عن الموضوع وتلمو فلوس وتشتروا المنتجات وتعبوها وتوزعوها
او
تشوفي جمعيه خيريه في بلدك تكون بتعمل الموضوع ده
الطرق كتير
بس المهم
انك تشاركي
هاتكسبي حسنات
وتسعدي اسر فقيره
يلا همتكم يا بنات عالم حواء
واي سؤال انا موجوده
وجزاكم الله كل خير