اخترت الوحدة السداسية اللي قبل واتكلمت عنها بالتفصيل هنا لعمل شنطة ..وكانت النتيجة مذهلة بجميع المقاييس , الشغل مع الحماس اخذ مني اسبوع تقريبا , الشنطة حجمها حلو وشكلها احلى بس فتحة الشنطة من فوق ماعجبتني مره حسيتها ضيقة شوي ,لو بسوي مرا ثانية منها رح اكبر الوحدة اكثر عشان تكبر الشنطة معايا ,الخيوط قطن عبارة عن اربع الوان مختلفة للسنتر وفي الراوند الاخير لون بيج فاتح + لون التشبيك النهائي بني محروق ...
بديت اول شي بعمل السنتر بجميع الالوان اللي عندي ..
سويت كل الاحتمالات الممكنه عندي اربع الوان ..طبعا ماحسب احتمال لون السنتريعني بقي عندي 3 الوان اطلع منها الاحتمالات بـ احتمال تكرر لونين (لان انا عندي 2 راوند) اي اوجد مضروب 3 = 3*2*1= 6 , يعني عندي 6 احتملات من كل لون وانا عندي اربعه الوان ,6*4=24 , والمطلوب عندي 27 وحدة ...فكررت اخر 3 , نشوف صورة جماعية للعمل ..
وهنا صورة اقرب ..
صورة مع الخيوط المستخدمة ...
كمان صورة ...
الان نبدأ عملية التشبيك .. نبدأ في الوجه الاول بـ 9 وحدات ..
وبعدين نكمل باقي الشغل ..بس الافضل نبدأفي القاعدة لان شغلها شوي صعب ولازم تركيز اترككم مع الصور وان شاء الله تكون واضحة ..
في الصورة اللي فوق ^ بدأنا بالزاوية في القاعدة ولاحظو اننا شبكنا فقط من جهتين ...
وهنا بدأنا بالقاعدة السفلية ..ونكمل الى اخر الشغل اذا تعدينا المرحلة هذه الباقي جدا سهل ,,
واخيرا ...الشنننننننننطة خلصت وانا راضية بالنتيييييجة ...احلى شي اشتغلته الى الان ,,,
مراااااا عجبتني ,,,
برب
بالنسبة للبطانه اخترت اللون الاحمر لها ...
وهذه الصورة من جوى الشنطة ,,,
ان شاء الله تعجبكم ...وتنال على رضاكم ...