اختي الشنطه من الموقع ب 39 دولار يعني ب 143.52 درهم تقريبا لان الدولار يساوي 3.68

وانتي تبيعينها ب 350 يعني الضعف من غير التوصيل؟؟؟؟!!!!!اكيد محد بيشتري

اذا انا غلطانه بليز خبريني بس لا تزعلين مني هذي تجاره


مروج

حياج حبيبتي مروج

أنا اشتريت الشنطة قبل العرض وذكرت هذا في الموضوع راجعي الردود ويوم شريتا كان سعرها 50 دولار يعني

وفايدة الحرمة الي ترسل لي الأغراض 70 دولار

و البريد اخذ 95 دولار 80 دولار انا دفعتهم و 15 دولار الحرمة هي الي دفعت جزاها الله خير من غير تحويلات البنوك الي تاخذ من 15 إلى 35 دولار


تبغيني احسبها لج بالدرهم حاضرة يا عزيزتي

الشنطة 50 دولار يعني 184.25 درهم وانا شارية عشر شنط يعني 1842.5 درهم

فايدة الحرمة 70 دولار 257.95 درهم

البريد الي دفعتة انا 80 دولار يعني 294.8 درهم

البنوك باخذ لج اقل شيء ممكن ياخذه البنك لعمولة التحويل وهو 15 دولار يعني 55.275 درهم

و الشحن صراحة مادري كم اخذ بالضبط بس هو ياخذ على الوزن وشنط مثل ماذكرت خشب و انا شارية عشر شنط (بلإضافة لأغراض ثانية فممكن تتخيلين كم أخذ الشحن

يعني

1842.5
+
257.95
+
294.8
+
55.275
______ المجموع

2450.525 درهم

و إذا حابة تعرفين ربحي بالظبط بعد ماعندي مانع انا ابيع الشنطة بــ 350 ومثل ماذكرت لج هم 10 شنط

350 ضرب10 = 3500

3500طرح 2450.525= 1049 درهم تقريباً

هذا هو ربحي 1049 درهم تقريباً على كل الشنط مب شنطة وحده




حبيبتي مثل ماذكرتي مافيه زعل هذي تجارة

و التاجر له الحرية الكاااااااااااااااملة في وضع السعر الي يناسبة لسلعة حتى لو كان شاري السلعة بدرهم واحد فقط وباعها بــ ألف درهم بيكون حقة وحلال علية ولا احد يقدر يناقشة في السعر و الي عايبنة حيّاه و الي مب عايبنة بعد حيّاه


و انا كان من حقي اني احتفظ بكل الشرح الي قلتة لج فوق لان هذي أشياء تخصني أنا بس ماتخص حد ثاني والسعر الي حاطتنة مابظلم حد به يعني انا عندي قائمة طويلة عريضة لأشياء انتوا ماتدرون عنها شيء يعني يوم اسعّر البضاعة الي عندي انا احط في بالي وايد اشياء منها .. فايده الحرمة + الشحن + التحويلات + البريد .................. الخ

وايد خسرت عليها ومثل ماتشوفين فايدتي مب كبيرة :27: :27:



وحياااااااااااااااج اختي في اي وقت :26:

الغاليه صاحبه همه لا تحطين في خاطرج الناس اجناس كل واحد له راي حد يقول غالي وحد يقول ارخيص بس قوليها ألي يبه يشتري حياه ولي
ما يبه 000000

طويلة العمر يزاج الله خير


بالعكس ماحطيت في خاطري وانا و الأخت اريج خوات وماصار إلا الخير :26:

بنات انا رحت لدبنهامز ولقيت عطور فيكتوريا سيكرت العطر الواحد بـ200 ريال!!! تخيلوا وصاحبة الهمة الله يسعدها

معطيتكم الشنطة كلها بـ350 ريال يعني لو اخذتوا عطرين من عندهم ماجات بهذا السعر

والله اننا نأخذ من المحلات هذي باسعار خيالية وراضيين وفرحانين بعد وياليت على اشياء عدلة إلا نحن عارفين انها اشياء قديمة وماالقاها حتى في الموقع حق الشركة

انا دخلت موقع دبنهامز ولا شيء من اللي في الموقع معروض في المحل اللي في التحلية اللي ياكبره وفاضي وحتى يوم سألته عن الشنطة استغرب الرجال لانه مايعرفها اصلا

وانا بس سالت علشان ابغى اشم ريحة العطر ولا انا اصلا راح اخذها ان شاء الله من صاحبة الهمة اللي الله يسعدها ماقصرة معايا:)

وكفاية انها ذكرت ربحها ولا المفروض ماكان تذكر شيء :)