لا تحتارين فككيها وشلحيها طلعي السحاب على جنب والسير على جنب وخليهم لوقت الحاجة
انا حصلت شنطة ذهبية فاقعه كلشت ماعجبتني ماعجبني فيها الا مقبضها الدائري الذهبي المرصع بالكرستال فضميتها لمن حصلت لها استخدام في شنطة كروشية سويتها لحفيدتي
الشنطة الجديدة
الغرزة من قريب
الجزء العلوي غرزة الحشو مع حركة بسيطة
لا ترمين هالشنط بالامكان الاستفادة منها باعادة تلبيسها او باخذ بعض القطع منها لما تسوين شنطة جديدة
انا عندي شنطة اشتريتها قبل 23 سنة من تركيا للسنانير بلاستك عادية لكن مالقيت مثلها هنا
هالشنطة مريحتني حافظة سنانيري وغثرتهم
فقررت ارحم حالها ووالبسها ثوب جديد بعد ما انتحل جلدها مسكينة وصارت فيها اصابات عمل من السنانير
اخليكم مع هالشنطة الطيبة قبل وبعد
قبل التلبيس
بعد التلبيس