بناااات إزيكم .. وحشتوني..
بجد نفسي أكلمكو في حاجة غير الكروشيه بس مششششش قادرة :23: هههههههه
دي شنطة بدأتها قبل ما أسافر .. وكنت واقفة عند تركيب البطانة والسستة ..
ولما كنت في مصر حماتي علمتني الطريقة .. وكملت شنطة كنت عاملاها لأختي بنفس نوع المربعات .. وهي عبارة عن مربع كبيييير ومستطيل طويل.. هو عبارة عن قاعدة الشنطة والجوانب واليد..
للأسف أنا ضيعت الصورة .. والشنطة مش عندي حاليا :( ححاول أخلي أختي تبعتهالي!
خلينا في موضوعنا ..
الشنطة دي عبارة عن مربعات صغيرة كانت شرحتها قبل كده رجروجة في موضوع تطبيقات ومهارات للمبتدئات فى الكروشيه كالتالي:
1- نشتغل 4 او 6 سلسله ( تعتمد على حجم الخيط ودرجه شدك اثناء العمل ) ثم نغلقهم بمنزلقه لتموين دائره
2 : نشتغل ( 1 سلسله او 2 سلسله او 3 سلسله او 4 سلسله ) وهذا يعتمد على نوع الغرزه المستخدمه ( اما حشو او بريد منزلقه او بريد او بريد ثلاثيه )
يعنى لو هنستخدم غرزه البريد نشتغل 3 سلسله
ثم نشتغل 4 غرز ( حسب نوع الغرزه المستخدمه ) وفى المثال نستخدم البريد ثم 2 سلسله لاول ركن ثم 4 بريد
ثم 2 سلسله لثانى ركن فى المربه ثم 4 بريد ثم 2 سلسله لثالث ركن فى المربع ثم 4 بريد ثم 2 سلسله لاخر ركن فى المربع ونغلق بمنزلقه
نشتغل 3 سلسله ( نعتبرها اول غرزه بريد + 3 سلسله )
ثم نشتغل اول ركن التالى ( 4 بريد - 2 سلسله - 4 بريد)
ثم 3 سلسله ثم نشتغل فى الركن التالى ( 4 بريد -2 سلسله - 4 بريد)
نلاحظ ان عدد السلاسل بين كل shell واخرى فى نفس الجانب يساوى 3 وبين كل shell واخرى فى الركن 2 سلسله
وهكذا حتى ننهى المربع ونغلق بمنزلقه
لبدء السطر التالى
نشتغل 3 سلسله ( تعد كاول غرزه ببريد) ثم نشتغل 3 غرز بريد فى نفس المكان ثم 3 سلسله ثم نشتغل فى الركن
(4 بريد - 2 سلسله - 4 بريد) وهكذا حتى ننهى السطر
بالنسبة لترتيب المربعات أخدت فكرتها _ أو بمعنى أدق سرقتها_ من الصورة دي
بالنسبة للتشبيك .. راجية كانت بتشبك بعد الانتهاء من كل المربعات..
بتجمعهم وتشتغل غرزة حشو للتشبيك ..
أنا شبكتهم بنفس طريقة تجميع الوحدات في المفارش..
يعني نشتغل الوحدة الأولى .. وأثناء العمل في آخر سطر في الوحدة التانية بشبك .. ويكون التشبيك في منطقة الـ 3 سلسلة .. نعمل عوضا عنها 1. سلسلة ومنزلقة تشبك في الغرزة التانية من السلسلة المقابلة في الوحدة الأخرى ثم 1. سلسلة.. ونكمل عادي.. وهكذا في كل منطقة فيها 3 سلسلة.. حتى في الآركان .. لأني اشتغلت في الأركان 3 سلسلة بدل 2 كما في شرح راجية ..
طبعا أنا رغاية .. بس يا رب تكون الطريقة وصلت..
والآلآلآلآلآلآن .. إليكم الشننننطة
بالنسبة لإيد الشنطة عبارة عن سلسلة بالطول المطلوب .. وأدخلتها في أطراف الشنطة.. وأغلقتها بمنزلقة..
وبعدين اشتغلت سطر حشو ..
وبعدين اشتغلت سطر منزلقة وكنت بدخل الإبرة في غرزة الحشو السابقة وسلسلة من السطر الأول.. (إفتكاسة :23:) ههههههه
بس طلع شكلها مقبوول..
أتمنى تعجبكم الشنطة زي ما عجبتني :27:
روعه روعه روعه
ايه الحلاوه دي
والله حلوووووووووووه وكانها جاهز واحلى من الجاااااااااااهز
الوانها راقيه جدا
تسلم ايدينك
لالالالا انتي لازم ادخلك شريكه بالمحل بتاعي هههههههههههههههههههه
تسلم ايدينج
:26: