فوووووووووووق الموضوع روعه ومهم ياليت يصير مرجع لكل عروسه

اختي بدايه العطور الفرنسيه شو في لها الاطقم عطور استي لودر برايفت كولكشن للعرايس روعه وعطر بيوتفل وخاصه بودرته روعه خذي الطقم كله
عطور جان بول غوتييه روعه وخاصه للعرايس
عطور ميكالف رووووووعه وخاصه اللي بالدهن عود والفانيليا
عطر الين وستيلا وسيينما فلور بومب وكوكو مدمازيل هذولا للعرايس بعد وتحاول تاخذ المجموعه كامله
اهم شي اهي ذوقها في العطور شلون
ولا تنسى العطور الشرقيه من القرشي مخلطات روعه مثل مخلط الاميره نوف روعه ومسك العرووس والدهن عود ومخمريات الشعر
عطور الشعر مثل شانيل وانجل
كريمات مجموعات الجسم مجموعه البرايد من نكتار ومجموعه الكامليا من زهور الريف رووووعه وعن تجربه وبودي لوشن التوت بلمعه من بودي شوب
مجموعه شذى ومجموعه اخرى من محل نعومي
ولا تنسين محل لوكستيان فيها مجموعات عطريه روعه للعرايس

اما بالنسبه للمكياج اول شي اهي بشرتها دهنيه تاخذ البيس والمرطب والمنتج اللي يتحم في الدهون وتتاكد ان الاساس خالي من الزيوت
في منتج في فورايفر يتحكم في الدهون
البيس تاخذ ستروب كريم من ماك
اساس فورايفر المات فلفيت
البودرة تاخذ وحده عمليه من ماك ووحده للمناسبات وانصحها تجرب من كانيبو ودينيفورا من جيرلان تخلي البشره مخمليه
الشدوهات من ماك وفور ايفر
المسكرا تجرب مسكرا ديور
الكحل بصراحه الكحل من ماك وجافنشي حلو وسهل الرسم للمبتدات
الارواج والقلوسات عند ماك وديور وجيرلان
البلاشر جيرلان بلشراتهم حلوه وشانيل وماك
اتمنى اني افدتج وادعي لي ومبروك مقدما

سلام

هلا حبوبه

شوفي انا ماتزوحت ولا اعرف في امور التجهيز ولا عمري جهزت احد مدري اذا نصايحي او اقتراحاتي تنفع :nerd:

بالنسبه للمكياج انا مدري احس بعض الناس يعتبرون العروسه بتهاجر لصحراء قاحله ومافيها اسواق ولا مكياج :confused:

البنت اكيد انه عندها مكياجات قبل ولا لا؟!
انا اشوف انه ماتكثرون في المكياج مو معنى انها عروسه راح ترمي اغراضها القديمه <<< احس ناس يعملون كذا :humm:

نجي للمهم

بالنسبه للشنطه

انا اقترح انها تشتري شنطه كبيره تلم اغراضها وموجود شناط تجي طقم مع الشناط الكبيره وكثير يسافرون بمكياجهم فيها ( لو اعرف احط صور كان حطيت لك)

فيه من جميع الماركات الرخيص والغالي والوسط
ممكن تشتري منهم او تشترين لها من شناط مكياج ماك او فورايفر او بوبي بروان

وللسفر وشهر العسل تشتري الشناط اللي كأنها محفظه اللي فيها سحاب تجي باحجام ومن جميع الماركات تشتري كذا وحده لاغراضها الشخصيه مثل الشامبو والمعجون ومستحضرات العنايه بالوجه الخ

وممكن تشتري وحده كبيره شوي مثل اللي حطتها وحده من البنات بس انا احس الصغار احسن مااحب احط اغراضي كلها مع بعض :pinklove:


العطور

بصراحه انا اقترح تشتري من بودي شوب ... (على فكره مافي بنت ماعندها ) يا مجموعه المسك او الفانيلا او المون فلاور .... هذي عطور خفيفه وحلوه وتقدر تخلطها مع عطور فرنسيه تطلع تهوس

والعطور ........ فيه كثيييييييييير حلوين

تشتري عطر اسمه شيخ

وعطر عجييييب مافي احد ماسأل عنه
مدري اذا نزل انا شريته من زماااااان من باريس ان شاءالله تلقينه

اسمه

narciso rodriguez

وفيه بعد عطر كريستيان ديور بس القديم شوي اللي اسمه ادكت بس الثاني اللي لونه ازرق فاااااتح لان قبله اعتقد كان واحد لونه كحلي المهم ريحته هاديه وحلوه

لازم طبعا مخلطات ....... فيه محل اسمه ياس عنده حاجات حلوه مدري اذا موجود عندكم!!

العطور .... غير اللي اشتريتيه ... خذي 2 او 3 لاتكثرون

المكياج

اساس ديفينورا مع الباودر للسهرات

وبودر مضغوط ممكن يستخدم مع ماي ومن غير من ماك ... عملي ومريح

او من ماركه نارس

لاتكثرون اساسات :)

2 او 3 يكفي

واحد للسهرات يكون افتح منها بدرجه تقريبا والباقي نفس لون بشرتها

وفيه كريم مرطب (ملون) من بوبي براون .... هذا مو كريم اساس بس يجمل لون البشره ويخلي فيها اشراق .. يصلح للعرايس بالوقت اللي ماتبي تحط فيه اساس ومكياج والخ :icon31:

وفيه بعد كريم (ناسيه اسمه) هذا مرطب ملون لوقت النوم (تنامين فيه) عشان يعني سي السيد يشوفها حلوه حتى وهي نايمه :S_45: اسألوا عنه بس نسيت اسم ماركته ومااعتقد ينباع بالخليج :icon36:
انا مااستخدمته بس اعرف ناس يستخدمونه .... اذا تذكرت اسمه برجع اكتبه لك


الماسكارا

اشتري 2 فقط لااكثر

اقترح هيبنوس من لانكوم وديور الجديده

انا دايما اخلطهم مع بعض

ممكن تستخدم الاثنين مع بعض وممكن لوحدهم



البلاشرز اقترح تشترين من نارس وبنفت وماك شوفوا اللي يعجبكم
3 بألوان مختلفه !




القلوسات والارواج مافي احلى من جيرلان ونارس ولانكوم وفورافر


وبما ان بشرتها دهنيه
تستخدم بيس فورايفر .... All mat
اختي تستخدمه وتمدحه مايخلي الوجه يدهن

تعببببببتتتتتتتتتت :dozey:

والمناكير لاتنسينه خخخخخخ محد جاب طاريها
المناكير فيه ماركات حلوه كثير بس اهم شي اشتريلها مزيل المكياج من لانكوم او بوبي بروان بما انها بتحط وتمسح كثير لاتشترين من الرخيص

وبالنسبه للكونسيلر .. اذا ا البنت بشرتها حلوه وصافيه .. مو ضروري تشترون اكثر من لون اللي يجي بعلب .... احسن كونسيلر ايف سان لوران ... تاش ايكلا عجيييييييييب وكثير يستخدمونه فيه منه 3 درجات اختاري اللي يناسبها

الشادو والارواج ...تشتري على حسب استخدامها للمكياج يعني مافي عدد محدد على حسب الرغبه .. في ناس كل يوم يحطون لون روج غير وفي ناس روجهم هو هو مايتغير ويغيرون في طريقة وضع المكياج والشادوهات!!

انا استفدت اكثر من العروسة كتبت كل شي وراح انزل واشتري لاني مو خبيرة في الكياج بس بصراحة تعلمت منكم الشي الكثير وجزاكم الله عني كل خير يارب

مووضوع ولا احلى استفدت منه كثييييييير..(عرووس متوهقة)