اليوم راح نتكلم عن الشنط ....... وراح اتكلم من الشنط الصغيرة لين ما اوصل للكبيرة
شنطة المكياج : طبعا المكياج لازم ينحط بشنطة بس اهم شيء ما تكون مثل الشنط المعتادة ( اللي مصنوعة من حديد) او قاسية بزيادة خوذي شنطة مرنه شوي
وحطي فيها مكياجك كله + الفرش + اللي تحتاجينه مع المكياج مثل الاسفنج حق كريم الاساس و القطن ومزيل المكياج .... يعني كل شيء يخص المكياج بشنطة وحدة لانه هناك بالسفر راح تحتاسين وانتي تدورين على شيء معين فخليك من البداية مرتبة :22:
(وهالشنط فيه عند محلات المكياج ... منها ماك - مكياجي- بودي شوب ... )
نجي الحين شنطة الحمام ( تسميتي هذي ) اللي فيها شامبو- وصابون - معجون اسنان وفرشاة - ديودرنت - قطن - اعواد اذان - كريمات - موس حلاقة - رغوة الموس -- كريم الجسم و بودرة- عطورات .....-وكل شيء تحتاجينه بالحمام
وبهالطريقة يصير اسهل لك اذا احتجتي شيء ما تروحين وتجين على الشنطة لا تاخذين شنطتك مع اذا كنتي تبين تاخذين شور و صدقيني لابد تحتاجين شيء ثاني وتقولين ليتني جبت وسويت بدل ما اصير رايحة جايه قدام ابو الشباب :arb: وكذلك لو انكسر شيء والا انفك عادي ما يطلع على بقية اغراضك ولا ياثر فيهم لان هالشنط مخصوصه لهالاشياء ومبطنه ببلاستيك
(وهالشنط فيه منها احجام واشكال ومقاسات عند بودي شوب والوان حلوة بعد )
شنطة للملابس الداخلية ( وبصراحة انا افضل شنطتين)
بصراحة هالشنطة عملية جدا هي مثل الكيس ( كيس العباية) وتحطين فيها كل ملابس الداخليه فقط مو قمصان :eek: لالا بس داخلي اللي هي كلوتات وستيانات الاطقم واللي ماهم طقم بحيث بسهولة تلقين اللي تبينه
صدقيني لما تصير كل ملابسك بالشنطة وودك شيء معين بتحوسين 100 حوسة وحوسة غير لما يصير شغلك مرتب وبسرعة تلقطين الشيء حتى لو على عجلة او فجاة تصيرين عارفة وين اللي تبين
والشنطة الثانية طبعا بالبداية بتكون فاضية لكن لما تسافرون على خير طبعا ما بتقعدين تغسلين ملابسك الداخلية قدام ابو الشباب واذا غسلتيها وين تنشرينها وصعبة تقولين له ابي الفندق يغسلون لي كذا ... لذلك خوذي وحدة زيادة واي شيء وصخ حطيه فيها ( عملية جدا جدا جدا وراح تحتاجين لها مرررة لانه صعبه تحطين النظيف مع الوسخ)
(هالشنطة دورت عليها ولا لقيتها رحت سلمكم الله و اخذت قماش اسمه جوخ و وديته عند الخياط و اخذت كيس عباية وقلت له فصل لي 2 مثل هذي ومن فوق زي الخيط ينسحب و تتسكر )
والشنطة الاخيرة الكبيرة اللي فيها حوستك كلها طبعا اختاري اكبر مقاس و اختاري اللي تكون قاسية ( عرفتوا وش اقصد؟؟) اللي مليانو او فاضيه ما ينعرف الا اذا شلتوها
احشيها كل اللي تبين بس طبعا خلي فيها مكان ( احتياط لو شريتي شيء من السفر ) :D
طبعا الاهم شنطة يدك لا تنسيييييينها خوذي وحدة متوسطة وطبعا داخلها شنطة صغيروووونه فيها شويه مكياج للتعدل اذا راح ابو الشباب وغاب عن عينك ( بالاغلب فيها قلوس - بلاش - فرشه اللي تتسكر ولها غطاء - او فرشة صغيرة )
و خوذي لزوجك شنطة خاصة فقط اذا سافر لوحدة يومين ثلاث غيرها لاتسمحين له الا اذا كان دراسه او عمل او احد الضروريات ......
شنطة البدل تلاقينها بعلاقاتها ومريحه للرجل عشان ما يتعب في الكوي
اتمنى اكون افدتكم بهالموضوع ....... واللي تعرف محل يبيع شناط مثل اللي قلت يا ليت تقولنا وين - خصوصا شناط ( اكياس) الملابس الداخلية
كذلك اللي تعرف ايش احسن ماركة شنط للسفر ( الشنط الكبيرة) واللي تكرف زين يا ليت بعد تقولنا عليها
اسمحولي بنات ما اعرف كيف احط الصور تحت كل فقرة بس حطيتها تحت مرفقات:09:
وسلامتكم انتظر تعليقاتكم :27: