شنو أحسن فيتامينات للشعر ؟؟ شاركونا ياحلوات

السلام عليكم

انا بصراحه مستانسه اني بشارك معاكم لاني من سنتين اقرا بالمنتدى بس بدون تسجيل

وسجلت من فتره وماوصلتني رسالة تفعيل ... واليوم مو مصدقه اني بشارك واكتب مواضيع وارد على المواضيع

اتمنى اكون اخت جديده لكم

موضوعي :-

بصراحه عندي صديقه تغيرت بشرتها وتغير شعرها وصارت بيضه وحلوه ومادري شنو السر ؟؟

مع انها كانت تخرع ووجها كله حب وشعرها خفيف وكانت قاصته بوي قاصته بوي

يوم شفتها آخر مره انصدمت بصراحه !!!!!

تخيلوا البشره صافيه ولانقطه ! والاظافر طوال ومرتبه وشكلهم يهبل ! والشعر لين آخر الظهر ومسويته طبقات مُدرج وكثيف ويلمع لمعه غريبه! ولونه اسود وحررررررير !

انا استخفيت !! قلت اكيد في سر

أحس ان السر انها تبلع شي .... اتوقع تاكل فيتامينات والا حبوب نوعيتهم ممتازه

يعني اظافرها طويله ولونهم ابيض ناصع والوجه صافي ابيض يلق والشعر طبقات ويلمع

اتوقع انهم فيتامينات !

لانها اول ماكنت تعرف شي اسمه اظافر ... كانت تخرع !!

المهم انا انهبلت وفتحت حلجي :)

الحين بسألكم يابنات ابي أحسن نوع فيتامينات للشعر والبشره ؟؟؟؟؟؟

شنو تنصحوني فيه ؟؟؟؟؟


ابي ردود تبيض الوجه .... لاتفشلوني

وربي أللي ترد وتساعدني بدعيلها من كل قلبي

تحياتي للجميع ،،،،،،،