شنو أشتري للبيبي وأنا لسى ماعرفت نوع الجنس؟

هلا أختي عسل

اللبس العادي اشتريه عام ..والكشخة خليه بعد الولادة

المقاسات أخذي نص نيو بيبي ونص من 0إلى 3

وخلي تجهيزك من محل معروف لأن قياساته تصير مضبوطة

وجنس البيبي يبين من الشهر الرابع

الله يسهل عليك وعلي وعلى كل الحوامل

انا اقول الرضاعات بدري عليها

بس الملابس الداخليه اهم مع البربتوزات وخوذي الوان محايده للولد والبنت
ابيض - بيج - اصفر - اخضر - كحلي

والبيبي يوضح جنسه من الاسبوع العشرين

حبيبتي ان شاء الله ما يصير تعب عليج

ومثل ما قالوا الخوات من 0-3 انا جذي سويت وهالله هالله بالقبعات والدسوس مالت الايد والدلاغات

من ناحيه الرضاعات والسوالف هذه انا للحين ما جهزت بس لبس :)

كثري من الافرولات اللي يجي كامل مع دلاغه احسن واخف عليج

شوفي اختي تقدرين بهالفتره تشترين الاشياء المشتركه بين
الجنسين واللي ماتفرق فيها الالوان،، عندك مثل:

1/ الرضاعات: انا اخذت "3" وحده للماء والثانية للاعشاب(اليانسون والنعناع)
والثالثة للحليب لو اضطريت ارضعه صناعي، 2منهم 50مل والثالثه 120مل،
ولاتنسين تاخذين حلمات رضاعه زيادة، وفرشاة لتنظيف الرضاعات.

2/ اغراض البيبي: شامبو، صابون للجسم، بودرة، كريم"لوشن"، صابون مخصص
لغسيل ملابس البيبي، حفاظات، مناديل مبلله وقت تبديل الحفاظ ، ميزان حرارة، فازلين
مقص اظافر، فرشاة للشعر ناعمه، مصاصه"لهايه"،ليفة جسم للبيبي.

3/ ملابس البيبي: ممكن انك تاخذين مناشف لببيبي لانها تجي ملونه وتصلح للجنسين،
البربتوزات الداخلية خذي مجموعة نيوبورن ومجموعة ثانية 0-3 انا اخذتها من مذركير،
الملف اللي تلفين فيه البيبي بعد ماتلبسينه ملابسه ماادري وش تسمونه بالضبط والحبل
اللي يربط فيه انا اخذته من سيتي بلازا، الملابس مو كلها تاخذينها على حسب جنس البيبي
يعني فيه الوان محايدة مثل الابيض،الاصفر،الاخضر وكل ملابسه يستحسن انها تكون قطعة
وحدة مو قطعتين علشان ماتضايق سرته وخذي بعضها نيوبورن وبعضها 0-3، قبعة
وقفازات وشرابات.

4/ اثاث البيبي: 2سرير واحد وقت الاربعين"النفاس" ويكون صغير، والثاني اكبر بعد
ماتخلصين نفاسك وترجعين لبيتك، دولاب لملابس البيبي، طاولة تغير للبيبي، كرسي للسيارة،
عربة للطفل وقت تطلعين وتاخذينه معك.

5/ اغراض وملابس الماما: ممكن انك بهالفتره تخلصين وتجهزين ملابسك واغراضك لوقت
الاربعين، بالنسبة للاغراض (قطن للثدي، فرشاة ومعجون اسنان، فرشاة للشعر، كريم زبدة
الكاكاو علشان ماتطلع تشققات للبطن، مقشر وكريم للجسم، شامبو، صابون، مزيل للعرق،
فوط صحية للنفاس) والملابس (ستيانات للرضاعة انا اخذتها من نعومي قطن ومريحه جدا،
كلوتات قطن وثانية اللي تستخدم مرة وحده بس، شورتات او سراويل طويله قطن، قمصان
رضاعة، قمصان رضاعة مناسبة لاستقبال الناس او حسب عاداتكم النفاس كيف تستقبل الناس.

هذا كل اللي ببالي الحين، وهذا رابط كتبته احد الاخوات فادني كثييييير لاني اول مرة اجهز
وان شاء الله يفيدك مثل مافادني..
خبرتك في ملابس المواليد وتجهيزاته .. //عرض لأفضل المحلات واهم التجهيزات//
http://forum.hawaaworld.com/showthread.php?t=487773

السلام

بصراحة إختى ماقصرت الإخت أشجان كفت ووفت
كتبت كل شى كل اللستة إلى تحتاجينها

وبما إنك أم أول مرة عندى لك طريقة وايد حلوة وسهلة وراح تنفعك وتنفع باجى خواتى :)

عموما كل إلى عليك تسوينة إنك تروحين المحلات ملوت تجهيز البيبى وتبتدين من أول شى لآخر شى وتستمتعين فى هذى اللحظة إنج قاعدة تجهزين حق حدث سعيد وهى الأمومة الله يسهلها عليكم يارب

وبنسبة للألوان المحايدة عندج البيج الأبيض الأخضر الأصفر البنى ... إلخ
ويفضل حق الأربعين ماتكثرين لأن إنشاللة بسلامة البيبى كله مخشوش بلفافة وسبحانة الله بيكبر .
وبنسبة لغراضج إنتى تاخذين قميص من الكشخة حق المستشفى يفضل 2 وتاخذى عادى بس مو يعنى من النوع العادى حق النفاس غير مشد البطن وشى طويل تحت لبسينة عشان لا يدخلك هواه وخليكى دايم مدفية

وأذا بخاطرك تسوى سونار لمعرفت الجنس يفضل بشهر السادس عشان يكون كامل بإذن الله طبعا إذا بنت بتتأذين على ماتعرفين الجنس لان سبحان الله البنت دايم مصكرة ريلها ..

وإنشالله أكون ساعدتج ولو بشى بسيط والله يقومك بسلامة وتفرحون بلبيبى يارب آمين

لا تنسسسسسسسسسسسيينى بدعائك بذرية الصالحة المعافية يارب آمين :26: