شنو احط في شنطة السفر حق ولدي ؟

ماشاءالله كفيتي ووفيتي
ماخلتيلنا شي نقلك حطي كل شي اخدتي
تروحوا وترجعوا بالف سلامه وربي يحفظلك ولدك

الله يسلمج اختي ومشكورة على مشاركتج
انا حاولت اكتب كل شي باللستة بس سبحان الله الواحد مرات ينسى او تغيب عن باله اشيا مهمة فقلت انكم بتساعدوني اكيد

فرشاه الأسنان و المعجون ... مو فى اللسته ...

و لدي استفسار ... ليش ابنك للحين يشرب الحليب بالرضاعه... المفروض فى عمره يشرب بالكوب ... لأن الرضاعه ممكن تسبب له تسوس الأسنان ... خاصه رضاعه الليل او ما قبل النوم
بس حبيت انبهك ... و رحله سعيده

هلا أختي
حبيت أنبهك يالغلا على حاجه ألا وهي:
المويه سواءً الحاره أو غرشة المويه العاديه وكمان دواء السخونه والعصير ترا إحتمااااااال كبير يمنعون دخولها الطياره بعد اللي صار قبل كم شهر
ونصيحتي لك تتأكدي قبل ما تاخذينهم لأنها إحتمال ياخذوها منك ويرموها
ودواء السخونه خليه في شنطة السفر اللي بتشحن عشان لو إحتجتيها بعدين لا سمح الله
أما في الطيارة لا تخافي كل شي موجود سواء الدواء أو المويه السخنه وموية الشرب العاديه
إذا بغيتي مويه دافيه كمان تحصلين في الطياره

وانا ما أقدر أجزم إنهم راح يمنعون لكن انا قبل شهرين تقريبا كنت مسافره من امريكا على السعوديه
وكان اول سؤال سألوني عن شنطة ولدي هل تحتوي على سوائل ؟ وإذا كانت تحتوي على سوائل رجاء أخرجيها وإرميها؟(طبعا هذا الكلام في التفتيش)
وأنا عموما الحمد لله كنت أخذت فكره عن الممنوع واللي مو ممنوع قبل السفر وبصراحه ما أخذت شي سائل ابد
وحتى من ناحية أغراضك أنت ممنوع العطور والمكياج
هذا اللي جاء على بالي الحين لكن لو حبيت إدخلي قسم المغتربات وشوفي هناك تكلموا كثير عن الممنوعات وفيه بنات كثير كتبوا تجاربهم

ايه صح نسيت أقولك وانا في طريق العوده لأمريكا ما سألونا عن شي لكن أكيد مرينا بالتفيش والحمد لله ما كان معنا شي ممنوع

وإن شاء الله توصلي بالسلامه

نسيتي تحطي فرشة شعر