موضوعج وايد حلو

انا دايما احاول اذكرهم بتراث الاجداد

1- نشيدة شوط شوط يالبطه
شوط شوط يالبطه يرحم ابوه من حطه ما حطته الا سويره سويره راحت البر تجيب عيش الاخضر وتحطه في الصواني على جيت خوالي خوالي يا دلالي يا مضيعدي وهلالي
بيت الجوز احترق صبوا عليه جدر مرق ........ أمي تناديني تبي تحنيني في ملة الصيني صيني على صيني يترب تعطيني وآروح بيت الله وأزور حبيب الله
يا فاحمه بنت النبي اخذي كتابش ونزلي على محمد وعلي

2- حمامة نودي نودي
حمامة نودي نودي سلمي على سيودي سيودي راح لمكه يجيب ثوب العكه ويحطه في صندوقي صندوقي ماله مفتاح المفتاح عند الحداد والحداد يبي فلوس والفلوس عند العروس والعروس تبي ريل والريل يبي عيال والعيال يبون حليب والحليب عند البقر والبقر يبون حشيش والحشيش فوق الجبل والجبل يبي مطر والمطر من عند الله

3 - لوميه خضرا
لوميه خضرا خضرا مزروعه في البستان يقشرها عبدالله وياكلها سلمان سلمان يابوشيخه يا ملقط الحويت يلقطه من قلالي ويبيعه في الكويت
كل البنات تحنوا وحطوا على طرقين وانا يا البنيه ما حطيت الا طرق لاروح بيت ابويا واحط عشره واحر مرت ابويا ام خشم الخنفرا ( حرام هذا المقطع ما يعجبني ابد بس وش نسوي تراث بس ودي اغير هذا الجزء وعلمت عيالي انه غلط وحرام انعيب على خلق الله )

أقول تعبت اذا تذكرت شي غير برجع لكم

المشكلة أنا أعرف أناشيد مصرية أو حجازية وما أحب أقولها فتضحكوا عليها

موضوع حلووووو
انا عندي ولد واغنيله
دوهاااااا يادوهااااااا الحلوة زفوها ...........مايحتاج اكملها معروفه طبعا
وكلمة النوم ارددها بأكثر من طريقة وتجي على شكل اغنيه ومااشين على كذا:)

انا الفت لبنتى انشوده بنتى عمرها 8 اشهر وهى نانى نانى هبه يا الحنانى نونا نونا هبه يا المزيونه

هبه نوموها وفى سريرها حطوها

قولو رايكم الكاتب ورده النرجس

معليش تاخرت عليكم:hahaha:

يله اسمعوووو.........:26:

2- حمامة نودي نودي
حمامة نودي نودي سلمي على دحومي
دحومي راح لمكه يجيب ثوب العكه
ويحطه في الصندوق و الصندوق ماله مفتاح
والمفتاح عند الحداد والحداد يبي فلوس
والفلوس عند العروس والعروس تبي ولد والود يبي حليب
والحليب عند البقره والبقره تبي حشيش
والحشيش فوق الجبل والجبل يبي مطره
يامطره حطي حطي
على قريعه بنت اختي
بنت اختي جابت ولد
سمته عبد الصمد
حمامه نودي نودي سلمي على دحومي:42: