شنو الحل لتنظيف البيت الكبييير ؟؟؟

التنظيف والتنظيم

السلام عليكم
تعببت من شغل البيت 😓 بيتنا كبيير طبعا ماصار لنا زماان من سكنا كنا في شقه متوسطه والحين البيت كبيير جدا والمشكله ان الدور الاول كله صالات مفتوحه والمطبخ كبيير ومفتوح على الصاله مع الطعام .. المهم ان البيت كلله مفتوح وهو عن بيتين .. والله جسمي ياألمني من الشغل لاسيما ان عندي اطفال ومسؤوليات ثانيه .. لما امسح الارضيه اتعب مررره .. فهل في طريقه والا جهاز سريع ينظف ويمسح ؟ يعني اكيد فيه اشياء متطوره مثل مافيه غسالة صحون وهالاشياء الا ماكانت متواجده من سنوات .. ابي شي سريع على الاقل للارضيه لان البيت رخام اول شي اكنسه وثاني مره امسح يعني متعب جدددا مرتين انظف فيه ورا بعض غير ان في نفس اليوم انظف واكرر لان اطفالي يوسخون وعندي الصغيره كل شي تطلعه من الدروج وتوسخ .. لا تقولون شغاله حاليا ماااابي مرفوع ضغطي منهم ولا بينظفون مثل صاحبة البيت .. وبعد بيتنا دورين كيف نظامكم ؟ يعني انا اضطر عدة مرات اركب وانزل عشان مثلا اودي سلة ملابس فوق ارتبهم وانزل ومعايه السله وبعدين اذا بركب اخذ مويه وممكن عصيرات عشان لصغار اوقات يبون ياكلون في وقت ابي انام اكون فوق فمالي خلق انزل بعد .. اخذ معاي توست مثلا ..او غيره .. فاهمين علي 😓😓 يعني معاناه البيت الكبير احس يضيييع وقت طوويل بس في التنظيف واركب وانزل .. حتى زوجي اذا يبي شي من فوق يتعيجز يركب فيقولي انزله .. 😔 وغير بنتي الصغيره ماتفهم كل شوي بتركب للدرج والا الطاولات والكتب اخاف تطيح .. بصراحه اقوله قبل في شقه ارحم بكثير 😢 هو يعصب علي يقولي احمدي ربك على النعمه .. انا حامده ربي وشاكرته لكن هذا باختيارنا زوجي هو فصل البيت بمزاجه .. ياريت مثلا صاله ملمومه ومطبخ ملموم .. الا كلللللشي مفتوح وكله صالات مافيه غرفة العاب يلعبون في الصاله والاغراض مرميه في كل مكان .. يعني بيت كبييير والامور المهمه مو متوفره ..
11
2K

يلزم عليك تسجيل الدخول أولًا لكتابة تعليق.

تسجيل دخول

هبايب الغربيه
هبايب الغربيه
تنضيف اول باول وجيبي شغاله بساعه
والمجلس نضفيها في الاسبوع مرره مع دورات المياه حقت الضيوف وقفلي عليها
Knooosh012
Knooosh012
نفس حالتي تقريبا ومن جد مااخلص البيت الا جسمي مهدود
الان افكر اجيب مكنسة روبوت من ال جي تمشي لحالها وتكنس ولو خلص شحنها ترجع تشحن يعني مش تنظيف ممتاز لكن زي اللمامة المهم تلم الفتافيت والوسخ اليومي تبع الاطفال
لكن للاسف مش لاقيتها يقولوا توقف انتاجها ومدري متى بيرجعوها
من الافكار جبت الممسحة الي فيها بخاخ وابخ وامسح للبقع تنظيف سريع
سلة الغسيل كل يوم حددي غسيل معين مثلا يوم غسيل زوجك يوم غسيلك يوم غسيل اطفالك وكذا ونزلي سلته معاكي وجيبي سلات صغيرة قسمي فيها الملابس البيضاء والملونة ويصير ترجعي السلة للغرفة ومل ماخلص غسيل حطيتي الي بعده
والله يسهل علينا وعليكي
فويا
فويا
وعليكم السلام والرحمه
يبيلك يأخيتي شي واحد بس (جدوووووول)
مثلا اقولك جدولي
السبت تنظيف غرفة فلان والدرج كله من الدور الثالث الى الاول
الاحد غسيل وكوي
الاثنين تنظيف الدور الدور الثاني
الثلاثاء غسل الحوش
الاربعاء تنظيف الدور الاول
وهكذاااا
اذا مشيتي على الجدول بترتاحين ويصيربيتك دائما مرتب وريحته حلوه هاذا مجرد راي الله يوفقك ويسهل امرك 🌹
فويا
فويا
وعليكم السلام والرحمه يبيلك يأخيتي شي واحد بس (جدوووووول) مثلا اقولك جدولي السبت تنظيف غرفة فلان والدرج كله من الدور الثالث الى الاول الاحد غسيل وكوي الاثنين تنظيف الدور الدور الثاني الثلاثاء غسل الحوش الاربعاء تنظيف الدور الاول وهكذاااا اذا مشيتي على الجدول بترتاحين ويصيربيتك دائما مرتب وريحته حلوه هاذا مجرد راي الله يوفقك ويسهل امرك 🌹
وعليكم السلام والرحمه يبيلك يأخيتي شي واحد بس (جدوووووول) مثلا اقولك جدولي السبت تنظيف غرفة...
🌹لاتبكي على شئ مضى لو كان خيرا لبقى 🌹
فويا
فويا
🖕🏻ارسلته بالخطأ المعذره