شنو الحل مع الناس هذي !

السلام عليكم
اول يوم بالعيد بالليل جمعه عند بنت خالي ورحت لها عشاء العيد
وكان عند بنت خالي ناس من جماعتنا هم أصدقاء ويقتربون لنا من بعيد
جات فتره يدقون ويسالون ودايم يعزمون
وكنت اقدر عزيمتهم لي واروح
وفجائ وحده منهم سوسه منهم الله حسيبها بدت تحش وتنم وتنقل وسوالف عاد انتم تعرفون اذا وحده غارت
شنو تسوى بدت تنتقد كل صغيره وكبيره
وتسالني والاقي كل كلامي منقول حرفين عندهم
وتحش فيني تخيلوووو والله يبنات في وحده صديقه لهم
اذا شافوها قاموووً يمدحونها ويثنون عليها
وهي عندهم بيتهم وأول ماطلعت والله انواع الحش
حتى كم حبه شكلاته يحسبون كم كلت وغيره وغيره انا انصدمت قلت في نفسي اكيد انا اول ماطلع بيستلمووني
وفعلا جاني كلام وكلام بس انا من النوع الي ماحب اعاتب
لاتجي وحده وتقول واجهيها هالنوعيه تطلع هي الصح وتطلعك انتي الغلط ولو شاكه انها ماتكلمت فيني أقول خل اسالها او اعاتبها انا سامعتها ورأي الباب تكلم فيني وانصدمت ورحت البيت ابكي من هول الي سمعته
وياما وياما وقررت أخفف زيارات وروحات
يعني بالمناسبات وهذي الي هي اختهم قامت تكلم فيني وخلت خواتها ينتقدونه بكل شي
ليش ماحملتي ?
ليش ماتركبين زركون اسنان ? زين ماعندي فلوس بس ماحب ابين
ليش ماتحطين سايق ? ماديتنا ماتسمح
ليش وليش هذي مقدور عليها بس ليش الحش والنميمة
وراى الظهر وهم كنت اعتبرهم صديقات وحسبه خوات
طبعن هي وحده بس قدرت تفر راس خواتها
المهم شفتها بالعيد عند بيت بنت خالي
عاد انا من زمان عنهم
شوفي انواع الهجوم والله العبره خنقتني
عتب لآخر الحدود شنو ماتجيننا ولا تمرين ولا تسيرين ?
زين انتم ماعزمتوووو عشان ماجيكم
أكره شي الي يتعتب بشي وهو مايسويه زين ليش مو هم الي يجون او يدقون ليش مطلوب مني انا الي اسال
او اسير شنو رايكم بالنوعيه من الناس الي تعتب على شي وهم مايسونه زين انا ماجيت انتم تعالوووو ولا حرام بس انا الى مطلوب اجي
وكل مره يشوفوني خذي عتاب زين انا قبل مو متزوجة الحين بيت وزوج ومسواليه قبل اجي وأروح الحين الوضع
تغير بالله شنو أرد عليهم
شنو مانعك من الطلعة زوجك ?
بالله شنو أرد على هالسوال يبوني أقول اي عشان الكل يدري وينتشر الخبر مايمسكون سر
يحبون باخذون السالفه وينشرونها هوايه عندهم
المشكله هم مازاروني ولا مره بيتي وعلى حتي يرسلون مسج بس انا المطلوب مني كل شي
انا عادي اطنش واقطع بس المشكله انهم من مجتمعنا
يعني قريب وكل كلمها تنتشر عند قرايبنا
يووه فلانه مافيها خير ماتمر ولا تسال اعوذ بالله القطاعة مو زينه الحين منو الي قاطع انا ولا هم وصارلي سنه فعلا تعبت من كثر ماروح وادق فقررت ماعاد ادق الا اذا دقوووو
والله امس حسّيت اني ماعرف أرد او اني اتجنب المشاكل
مشكله اذا كأنو هالناس من مجتمعك مافي مهرب
وهذي اختهم قدمت لها خدمه ربي يعلم ماعلمت احد
وهي طلبت مني ماحد يدري حتى من خواتها
اني سويت لها هالفضل والفضل لله وحده
وبعد ماخلصت ماجابت طاري ولا شي وحتسبت كل شي عند الله لان الي يسوى عمل خير يحتسبه عند الله أنصدم انها تحش فيني ولا جابت طاري وقفاتي معاها
وحده من خواتها قدمت لي معرف وقعد أشكرها سنين ودنين حتى الهدايه قدمتها لها حتى دعوات بظهر الغيب دعيت لها
وعشان يتزورينا وتدقين وتقدرين ولا انا اعتبر ناكره معروف
ياشين المعروف الي يتبعه من واذائ انا زين سويت شي لاختهم هم ماعرفونه وبامكاني أقول لهم راح ينصدمووون
بس انا فيني طبع لو شنو اذا احد طلب مني ماعلم لو شنو يصير يموت السر ولا اتكلم لو وحده غيري كان تكلمت
وقالت انا بعد سويت وسويت عجزت اتكلم واطلع جميلتي عليهم
وهم عايرووني عند الي يسوى والي مايسووووى والله عجز اللساني اذكر فعلتي معاها مادري ماقدرت أغير هالطبع
عجزت والي تنم ممكن تنكر الفعل الي سويته عادي
شنو هالحل مع هالناس
زوجي يقول اقطعيهم قطع نهائي
شلون انا أتواصل بين فتره وفتره وماسلمت قلبو الناس على شلون لو أقطعهم بيقولون مابين بعينها المعروف
ياشين الي يسوياك شي ويذلك ذُل عليه ياليت كل الناس نفسي والله مو مدح حتى زوجي ماقلت له انا شنو سويت لاختهم من فضل ربي يحتسبه عنده وهم خل يذمون
ابي حل مع عالنوعيه منو مرت بناس نفس كذا
انتظر ردوودكم