طيب الان اخوات انا قاعده اتخيل لو الي تقدم لصديقتي تقدم لي ان
انا طبعي دايما احط نفسي في موقف البنت واتخيل عشان اقدر اعطيها الرد الي احس انه صح

يعني لو متقدم لي صراحه انا بحتار من ناحية العمر ومن ناحية المكان لان اهلها كانهم مو موافقين على انه مو من نفس المدينه بس هي ما قالت لي بس انا حسيت من امها هل شي

فتخيلت ان اهلي منزعجين وفارق العمر وموم بس فارق العمر الي اركز عليه انه 35 يعني لو اني اصغر وهو اصغر من كذا يعني مثلا متقدم لي وهو عمره 30 وانا مثلا 20 يمكن اقبل
بس 35 احس تاخر كثير على الزواج ولا شو رايكم

انا خفت ارد عليها واخرب تفكيرها او اوقف نصيبها بعدين ابتلش انا
عشان كذا ابغى الجميع يشارك وانقل لها الردود وان شاء لله اناه تتخذ القرار الصائب

السكن بعيد عن الأهل راحة
وتخليهم يتقربون لبعض اكثر
أما فارق العمر كويس عشرة سنين
وهي عمرها 25 يعني بعد 5سنين بتسير في الثلاثين
يعني بتكون ناضجة وعاقلة

انا بيني و بين ريلي 1 سنه بس

هو بصارحه وايد اوكيه لانه تفكيري انا و ياه وايد قريب من بعض وانا وهو نحب نفس الأشياء و حتى اهله يقولوا انت و مرتك تصرفاتكم مثل اليهال بس هو عادي عنده و يعيبه تصرفاتنا في مقالبنا مع العايله او ضرابتنا اللي تصير على البلاي ستيشن او حتى اكل الفاست فود اللي كل يوم لازم يكون اكلنا من المطاعم و هذا اللي اكثر شي ينرفز عمتي

وانا وايد مستانسه لأني انا وياه تقدروا تقولوا روح في جسدين حتى مرات نقول نفس الجمله في النفس الوقت اللي لاحظه كل البيت

الحمد لله ويارب يتمها علينا هالنعمه ياربي و اهدي لي ربي يارب

فرق العمر يعتمد برايي على شخصية الاثنين..
بيني وبين زوجي حبيبي 9 سنين و6 شهور.. يعني تقريبا 10 سنين..
بس والحمدلله عمري ما حسيت بهالفرق.. أبداااااااااااااا !
وحتى لما أحس بالفرق أحس فيه بشكل إيجابي..
دايما يشوفني صغيرة بعينه.. مهما كبرت.. "مو من كبري عاد" خخخخخ
ولما شفته أول مرة وتكلمنا واخترنا بعض ما فكرت بالعمر ولا هو فكر..
والغريب.. إن لما جا يخطب الحبيب قالوله إن عمري 24 (يقصون عليه مسكين) عشان يوافق لأن كان يظن إن أصغر من كذا ما بتفهمه..
وبعد ما كلمني وانجبر فيني >> (صدقي عمرج شوي) سألني عن عمري بالضبط وتفاجأ إني 21 وشوية!

فالفرق هو فرق النضج والأطباع والمكانة الاجتماعية.. مش فرق العمر أبداً !!
أما عن المكان.. فإذا هي مقتنعة فيه ومرتاحة منه فلو كانوا يعيشون لوحدهم على القمر بيعيشون إن شاء الله بسعادة :)

وتوتة توتة.. خلصت الحدوتة !!
السموووووووحة

هيكل الحب

مشكوره على الرد والله يجزاكي الخير كله يارب
كلامك منطقي وهذا الي انا افكر فيه بعد

suzan 2001

اهلين اختي مشكوره على الرد ولله يجزاك الخير كله ويوفقك في حياتك الزوجيه ويخلي لك زوجك يارب
وبالنسبه ل 4 او 5 سنين هو هذا العمر الي معقول وحلو في نظري بس برضوا من 5 الى 10 معقول ويمكن احس فيه نضج اكثر


noni103

اهلين اختي كلامك منطقي ومعقول اهم شي التفاهم والثقه
بس بعض الاحيان تحتاج الوحده انه يكون حتى روحه حلوه وصغيره زيها


ست النسـاء


الله يخلي لك زوجك ويوفقك يارب


شمعةالجسر
لا لا تخافين ماعتقدش ابدا انه زوجك والله يخليه لك ويوفقكم يارب

لوزة الأمورة
صح كلامك البعد عن الاهل في اول السنين حلو وراحه بس المشكلة هنا مع صديقتي انها هي بتبتعد عن اهلها بس راح تكون في مدينه اهله هو

يعني ما راح تبتعد عن الاهل كليا

ولله يجزاك الخير ويوفقك يارب

صدى زايد

ماشاء لله تبارك الله الله يوفقكم ويتم عليكم نعمتكم يارب
ماشاء لله ايه الي يصير بينكم هذا الي صديقتي تقصده الروح الي بينكم
يمكن يكون الشخص كبير بس روحه صغيره
يعني راعي مطاعم وطلعات وشي زي كذا مو 24 ساعه في البيت
وطباخ البيت

ماشاء لله

قطرات
ماشاء لله الله يخليه لك يارب ويوفقكم يارب

كلام معقول ومنطقي يعني مهما كان فرق الاثنين في العمر المهم عقلية الطرفين هل تمشي مع بعض او لا



الله يجزاكم خير كل من رد واجاب وادلى برايه
واتمنى باقي البنات يعطونا رايهم
وشكرا