شنو المكياج اللي ماتستغنين عنه في شنطة يدج

هلا خواتي

اكيد كل وحده عندها ادوات مكياج معينه .. سواء غلوس او بودره او ماسكرا او قلم كحل ماتستغني عنهم في شنطة يدها

يالله كل وحده تفتح شنطة يدها وتقولي شنو المكياج اللي فيها ودايما شايلته وياها في كل مكان

وانا اول وحده ببدا مع مكياجي المدعم بالصور عشان تتشجعون وتشاركوني

أول شي انا احط في شنطة يدي محفظه صغيره للمكياج حصلتها هديه من سان لوران .. حجمها صغير ولونها اسود وقماشها ساتان .. وفيه شريطه ذهبيه

وبداخلها :

قلم الكحل الاسود من سان لوران اللي مااستغني عنه واسمه Long Lasting Eye Pencil
172946

بودرة ديفينورا من جيرلان الفظييييييييعه واسمها Guerlain Divinora Teint Expert Confort
172945

الماسكرا من شانيل ضد الماي واسمها CHANEL Inimitable Waterproof Mascara
172947

البلاشر الكريمي من ماك واسمه MAC Blushcreme وانا استخدم اللون اللي يعطي اللوك الطبيعي وهذا اسمه Lilicent
172948

هالاغراض طبعا ثابته في شنطتي بس الغلوس بين فتره وفتره اغير منه مره من جيفنشي ومره من كلينك وهالفتره استخدم غلوس ديور اديكت من ديور واسمه
Christian Dior
DIOR ADDICT
Ultra-Gloss Reflect
والغلوس اللي استخدمه لونه وردي فظييييييع ورقمه 557
172949

اتمنى انكم تشاركوني بأغراضكم