والله ياحبيبتي حتى انا اعاني ما يحكي ما غير انا اللي احكي واحيانا اطفش واسكت لاني امل من الهذره

السلام عليكم

اولا مشكورين على المرور

اما بالنسبه لزوجي فهو يحب الرياضه و انا ما احبها يعني ما افهم شي فيها

اذا كان يحب الرياضه سولفي فيها واسأليه عنها وقولي انه نفسك في الرياضه وحدد لي اوقات اسوي فيها الرياضه واساليه عن انواع الرياضه وايش احلى رياضه تحبها واش فايدتها وكيف تسوون يعني تلقفي واحشري نفسك بعد فتره من اللقافه تلقين نفسك عارفه كل شي عن الرياضه وعندك خبره بعد وبالتوفييييييييق......

حبيبتي نصيحه لا تسكتين ,, خلي لسانج شغال طول الوقت :42: وايد احسن ..
اتكلمي عن كل شي ,, انا ما اخلي شي الا واقوله حتى اشياء مش مهمه لزوجي بس بعد اقولها ,, مع انه انا وهوه هادئين وما نحب الكلام واااايد وواجهنا مشاكل ف بداية زواجنا بسبب الصمت من الطرفين بس مع الوقت سبحان الله صرنا ما نسكت :09: ,, حتى هوه تغير وصار ملقووووووف ويتكلم 24 ساعه :eek: .. احيانا امل واتم ساااااكته ابغي راحه من الكلام :09: الا تشوفينه هاجم علي ليش ساكته واتكلمي صار ما يحب الصمت :icon33: ,, حتى وقت النوم :09: ابغي انام تعبانه لا حضرته بعده بيسووووولف ,,ليش فيج نوم ايلسي بنسولف :icon33: ..
بس تصدقين جيه وايد احسن ,, مع الوقت تكبر العلاقه وتتقربون من بعض ,, احيانا بتملين من الكلام من الاشياء الغير مهمه بس مع الوقت راح تحصلين نتيجه ايجابيه ف صالحج ,, بتلقين زوجج يكلمج ف كل صغيره وكبيره حتى الاشياء اللي ما تخصج ,, وانتي بادليه نفس الشي ..

الله يوفقج ويسعدج ..

اكره شي عندي اتمنى اكون نايمه ولا يكلمني فيه وهو موضوووووووع الاسهم مااااطيقه
اما المواضيع الثانيه هو يحب السفر يكلمني عنه ويكلمني عن الافلام الاجنبيه اللي توها نازله وعن قصص حق ربعه او مواقف تصير لهم واغلب هالمواقف تكون مضحكة
اما انا من اجيب سيررة فلانه ينكتم يقولي ماتجيبلي سيرة اي ناس خليهم لربهم يتصرف معاهم
فعشان كذا تعودت اني مااتكلم وياه غير بالمواااضيع اللي تخصنا انا وياه او اهلي واهله