شنو تأكلون عيالكم في الشهر الخامس؟؟

وعليكم السلام...ممكن تضيفي مكمل غذائي من الشهر الرابع يباع في الصيدليه

انا بنتي الأولى اكلتها بدري ولما خلصت 8 شهور جتها حاله ماتاااااكل ابد ولا تتقبل اي شي
قلت بنتي الثانيه مابعطيها غير الحليب الين تكمل 6شهور بس التمر عطيتها لما خلصت 3 شهور وقفته الحين فيها اسهال وانتي بكرامه
بس للاسف امي وخالتي هلكووووني كل مارحت لهم الحين بنتي بتخلص 5 شهور امس امي عطتها زبادي كانت بتستفرغ
وجربت عطيتها سيريلاك ارز برضه تقرف منه
بس تخلص ازمه الاسهال عندها راح ابدا بالتدريج
انتي اذا ناويه خلاص اول شي ابدئي بالارز وملعقه ملعقه كل يوم الين تصير وجبه وعصير البرتقال مو زين حامض على معدتها حتى لو خففتيه
عطيها تفاح مهرووس

مشكوووووووووووين جزاكم الله كل خير

انا بديت اعطيه سيريلاك الشهر الرابع
وممكن تعطينه رز مصري مطحون
وعصاير مخففه
هذا كلام الدكتوره
وقالت لي بعد ممكن جزر وبطاطس مسلوقه ومطحونه
ولما يكمل 6 شهور تبدين بازبادي

أنا ولدي قد ولدك توه داخل الخامس ..
اعطيه رز مصري .. و احط في الحليب بسكويت من ميلوبا ملعقه واحده و رز من ميلوبا
هو الوحيد اللي من اربع شهور ..