اشلووووونكم بناااااات
عسى دووووووووم بخير
ذاك اليوم وانا ادرو على قصة عن الاتقان عشان اقولها تمهيد حق الدرس وادور واحوووس في الانترنت طحت لكم على قصة تقوووول: ( طبعا بتصريف وتحريف وتغيير وتبديل ..كل شي سوتيه )
كان في ريال يشتغل في البناء( بناي )
وكان كبير في السن راح حق صاحب العمل وقال :
البناي : انا كبرت ووتجاوزت السن القانوني فابي اتقاعد واقعد عند اهلي وعيالي ...
صاحب العمل : لا يا بو فلان احنا نبيك اشلون اتخلينا ....
(طبعا البناي عفس ويهه وما كان راضي )
انزين اشرايك لو تبني لينا بيت واحد وبعدين تتقاعد ..
فكر البناي وقال حاضر ( رضا ولكن على مضض كما يقال )
راح صاحبنا البناي يشتري اغراض البناية
فتوقعون شنو سوا
شرى طابوق نوعيته اي شي
واستعمل اسمنت من اردى الانواع
واستعمل حديد وخشب وزجاج من اسوء الانواع
وبنا البيت من دووون نفس ( يعني مشتغل غصب(ن) عنه )
وبعد جم شهر خلص البيت ...
ويا البناي اسلم مفتاح البيت لصاحب العمل
فقال البناي :
البيت وخلص
وهذي مفاتيحه
اقدر الحين اتقاعد وارتاح من هذا الشغل واتفرغ حق اهلي وعيالي ..
صاحب العمل : اشكرك يا بناي على عملك معانا طووووووول هذي السنين اللي كان واضح فيها الاجتهاد والمثابره وحب العمل
( طبعا ما يدري عن الخبصة والحوسه اللي سواها اخر شي)
وعرفانا منا لك على تفانيك في العمل قررت اني اعطيك هديه ...
يا ترى شنو الهدية
البيت اللي انتا بنيته
طبعا صاحبنا انصدم وضاااااااااااااااااق خلقه من قلب
تتوقعون لو كان يدري ان البيت راح يكون له بيحط طابوق وخشب واسمنت اي شي
والا راح يختار من احسن واجود وافضل الانواع ؟؟؟
طبعا اتوقع انه تحسف قد شعر راسه على العمله السوده اللي عملها
لكن المعزى والزيده (( اذا عملت اي عمل اعمله باتقان واخلاص لان المنتفع الاول اهو انت))
مثال:
الصدقة .................. صنائع المعروف تقي مصارع السوء
اماطه الاذى عن الطريق .............. تحمين نفسج وتحمين غيرج من الاذى
بر والدين ................. برو ابائكم يبركم اينائكم
كل هذه الاعمل نفعها متعدي -يصل الى الاخرين - لكن المنتفع الاول هو انتِ
واشكركم وردات
على قرايتكم للموضوع حفظكم الباري
:(