جينان.. :

احس ماله داعي لو بس امها وابوها واخواتها ! وعيب احس انكم ماتعزمون اهل العريس احنا لازم الملكة حتى لو عائلية تيجي بمعنى انه امها ابوها اخواتها اهل العريس ابوه اخواته اخوانه يجون وممكن اقرب الناس لها من عمة وخالة وصديقات مو بس امها وابوها واخواتها ! احنا بملكات خواتي طبعا الحريم بالصالة والرجال كان بالمجلس جبنا للاثنين بوفيه مفتوح بعدد الاشخاص بعضهم يسوي عشا رز بعضهم يسوي خفايف انتم بكيفكم احنا استسهلنا البوفيه لانه يجون يحطون الاكل ويرجعون ياخذون الباقي بالمواعين فما حبينا نغسل مواعين ونتعب اكثر وطبعا للطرفين صواني شوكولاتة وتمر مشكل مع برادات قهوة وشاهي قبل العشا نضيفهم بطرف الحريم ماحتجنا زينة كثيرة لانه الصالة جديدة بس جبنا ورود وزعناها وحطينا مفارش وجبنا كراسي اضافية والاضائة لمبة حفلات او نجفة المهم مو اضاءة بيضا الصفرا رومانسية واحلى زينا كنبة حقت نفرين للعرسان وحطينا جنبها ورود وقدامها ورود جبنا سماعات كبيرة للحفلات وجهزنا اغاني متنوعة منها زفة واغنية تلبيس الذهب ورقص الامهات من الطرفين وكذا وأول شيء صورنا العرسان بنفسنا بغرفة ثانية مع بعض صور خاصة ولازم تتصور يوم ملكتها مع عريسها ويشوفها بكشختها وطبعا احنا اهل العروسة تصورنا معها بعد كذا بعدها شغلنا اغنية زفيناهم للصالة ودام العريس مايبي يدخل عند الحريم ممكن تستغنون عن نقطة العريس ينزف معها فتنزف لحالها بعدها ناسية الترتيب بالضبط لكن انه تم تلبيس الذهب للعروسة والعريس عطيناه احنا اهل العروسة هدية بعد مزينة بعلبة وورود وشربوا بعض العصير وقطعوا الكيك .. صورناهم طبعا بكل خطوة من هذه .. بعد المراسم هذه يطلع العريس يرجع لعند الرجال يقعد معهم ونبدأ احنا نشيل عباياتنا ونشغل اغاني ويرقصون الطرفين بعدها نقلطهم على العشا وهم يتعشون نقطع كيكة العروسة ونجهزها بصحون ونوزعها على المعازيم معازيمنا كانوا خواتي وطبعا امي وابوي اهل البيت وام العريس وابوه واخوانه واخواته وكم فرد من جماعتنا واصحابنا من اقرب الناس لنا وكم نفر من اهلية العريس القريبين بعد وطبعا وزعنا عليهم علب الملكة كانت علبة ذهبية بصندوق ابيض داخلها مسك وبس بعدها يخلص وكلن يروح بيته هههههه بعض العوائل اسمع انه بعد ماتخلص الحفلة والمعازيم يروحون يجي العريس يقعد مع العروسة ويحطون له عشا مرة ثانية او قهوة او كيك وكذا وبعضهم العريس ياخذ عروسته يعشيها برة وكذا يعني كل اثنين وبكيفهم واذا هو مايبي ينزف معها فانتم خلوا غرفة فاضية لهم للتصوير قبل لا تنزف اختك للمعازيم أو بما انه بعد مابينزف معها فخلوهم يتصوروا بالصالة المزينة قبل لا يجون المعازيم كم صورة وممكن وقتها تخلوهم يقطعون الكيكة وكذا وتصوروهم وخلاص للمعازيم تقدمون الكيك بعد العشا مقطع جاهز لازم تتصور بهاليوم مع زوجها لانه ذكرى حلوة وبيتذكرونها طول العمر

احس ماله داعي لو بس امها وابوها واخواتها ! وعيب احس انكم ماتعزمون اهل العريس احنا لازم الملكة حتى...