بنات عندي موضوع للنقاش محد تطرق له من قبل و أتمنى ما ينحذف لأن أكثر مواضيع تنحذف بحجة انها مكررة أو منقولة مع إني و الله العظيم أكون توني كاتبتها من مخي!!!!!
كل مناسبة ملجة أو سفرة عجم (عقد قران - ملكة) أروحها ألاقي توزيعات فيها قرآن صغير
سؤالي هو
ليش اللعب بكلام الله؟؟؟؟؟؟؟؟؟؟؟
القرآن يا دوب حجمه حجم الصبعة لا ينقرا و لا شي
اللي بتاخذه شنو بتستفيد منه غير انها تركنه على جنب أو تقطه و العياذ بالله أو تتوهق فيه
و هل قلت الأفكار علشان نوزع قرائين؟؟؟
هل البركة ما راح تحل على مناسباتنا إلا إذا وزعنا قرائين؟؟؟ (و المضحك المبكي إنه أصحاب المناسبة أحيانا يحطون دي جي أغاني و يوزعون قرائين هههههه)
شنو الهدف
و لما تاخذينه شنو تسوين فيه؟
طيب على فرض خذيتي واحد علقتيه في السيارة أو حطيتيه في الشنطة
هل القرآن للقراءة و التدبر في كلام الله و إلا للتعليق و للحروز و الخزعبلات؟؟؟؟
و لما ينعدم و أكيد راح ينعدم بعد فترة شلون راح تتصرفين فيه ؟ تذوبينه ؟ تقطينه بحر؟ تشخبطين عليه؟ تضمنين إنج تحملينه في شنطتج و تكونين على طهارة دائمة؟
بالنسبة لي لما أحضر أي مناسبة أرفض إني آخذ من توزيعات القرائين أول مرة قلتها بصريح العبارة و وضحت السبب و اللي صار إنه صاحبة المناسبة زعلت و اتهمتني بالتكبر !!!!
فقمت بعدها أتحجج إني مو على طهارة و أستكره أحمله في هالحالة....
أتمنى أشوف آرائكم أو أكون فتحت عيونكم على هالجانب
(إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ إِنَّهُ كَانَ ظَلُومًا جَهُولًا (72) سورة الأحزاب