شهالحاله الي تصديني والله اذا اسمريت عليها بننفصل انا وزوجي

مســــــــــ:26: ــــــــــــــاء الخير
والله يابنات ماعندي احد اقوله الي بقلبي غير الله وانتو لان المحيطين فيني مااااااااايفهموني ولما اتكلم مااااااافي تجاوب او نصايح ما منها فاااايده وامي حبيبتي مابي ازيد همومها ..........

طبعا عطيكم مقدمه انه متزوجه صار لي 10 شهور تقريبا - موحامل ومأجلين موضوع الحمل -طالبه في الجامعه اخر سنه.........

وخبركم كل زوج في الدنيا له سلبيات وايجابيات
سلبيات زوجي :
1- بااااارد جدا يعني لو تقوم الدنيا جدااااامه ما يعصب ولو حاولت استفزه مايعصب ولكن تعصيبته تكون بتصرفات تقهر وتبط الجبد مثلا اذا انقهر ما يطول صوته ولا يتهاوش معاي مثلا سيده يطلع مع ربعه بدون كلام ولا متى بيرجع ولاااااشييييي ......
2- جاااااف اول ايام الزواج كان يدلعني ويقول لي كلام حلووو بس الحين هالشي واااايد تغير هو يحبني بس مااايعبر عن حبه لا بكلمه حلوه ولا مجامله ولادلع ولااا يمدحني لو شنو اسوي في شكلي او لو شنو البس لا يمدح ولااا كأنه يشوف .
3- يحب يأجل كلشي ماياخذ المواضيع حااار بحار مثلا صور زواجنا ماخذناهم الا بعد 6 شهور تصورو ؟؟؟ ووايد شغلات م حاظره بمخي الحين ......
4- ماااااااااااااااايطلعني .... كثر مايحب الطلعات مع ربعه الطلعه علي بالحسره لو هو بخيل بقول خايف على فلوسه بس مو بخيل لكن ما يحب الطلعه معاي وماااااا يعرض علي نطلع ولازم انا ازن واحن عالطلعه
5- مااايشوف حسناتي .... مثلا اذا عنده انتقاد علي يقطه بويهي ولا يراعي مشاعري واحاسيسي ويقول هذي صراحه !!!!!!!!!!!!!
6- ماااايدافع عني يعني مثلا لو يصير موقف في بيت اهله او احد يغلط علي جدامه مايرد ولا كلمه ولا له اي موقف ويكون دوره دور المتفرج فقط ......
7- كتووووم لابعد الحدود ماعرف شنو في قلبه ولا اعرف شنو يعجبه شنو مايعجبه ولاااا اعرف شخصيته عدل مع اني كنت اعرفه سنتين قبل الزواج والحين لي معاه تقريبا سنه لكنه غامض .

هذي سلبيات زوجي
مع انه فيه شغلات ايجابيه بس مادري ليش انا ماشوف ايجابياته وماشوف الا سلبياته

المشكله موووو هني
انا راضيه وقااانعه بالوضع
لكن اذا نقعد احنا كبنات في الجامعه وكل وحده تسولف عن زوجهها او خطيبها ( طبعا انه اكون ساكته محد له شغل بحياتي ) بس تعرفون البنات وكلامهم
لما اكون قاعده عااااااااادي اسمع واجمع
بس لما اتهاوش معااااااااه كل هالسوالف تيي على بالي واحس اني اتعس وحده بالعالم مثلا فلانه يطلعها زوجهها كل يوم فلانه يدلعها زوجها فلان يوم زعلت على زوجها ودا لها الاكل الى السرير وقام يوكلها مع ان هالسوالف كلها ماتكون في بالي ويمكن في زوجي اشياء احسن من ازواجهم كلهم
بس مادري ليش ما يكون بينا اي مشكله احس روحي ماخذه اسوء واحد على وجه الارض ...........
والمشكله اخلي هالشي يؤثر علي معاااااااه
الريال من بعد ماكان يحبني قام يحس بالملل والروتين من حياتنا ويقولها لي في ويهي والله انه احس بالروتين ابي اسافر مع ربعي وهو ماكان يقول جذي
انه صج مو سيئه اسوي له كل الي يبي واطلعه واسمع كلامه لكن حمقااااااء الحمق والعصبيه الي فيني تخرب علىىىىىى كللللللل شي اسويه
اخر مره تهاوشنا من زود ماكل واحد شايل بقلبه على الثاني صار لنا اسبوع الحين كل واحد مو طايق الثاني ولا يكلم الثاني وعلاقتنا سطحيه وبارده بس واحد يسلم والثاني يرد او واحد يسأل والثاني يجاوب وطبعا في هالاسبوع ما ننام مع بعض بالغرفه ......... واذا يسالني عن السبب اقوله مو انت تعاني من الروتين ؟؟؟؟؟ شوي نغير الروتين ..........

والله يابنات مادري شسوي في روحي ادري اني عصبيه وهو جامد بس والله احس حياتي الزوجيه بتنهار بسبب هالطبع الي فيني
ابي تنصحوني شلون اغير زوجي معاي وشلون اخليه نفس الي ابي لان واااايد نسوان اسمعهم يقولون ان الريال مثل العجينه كل وحده تقدر تسوي زوجها مثل ماتبي بس بالصبر والحكمه والدبلوماسيه
شلون اكون صبوره وشلون اكون دبلوماسيه ؟؟؟؟؟؟؟
شلون اشيل هالمقارنات من راسي ؟؟؟؟؟؟؟
شلون ارجعه القبلي؟؟؟؟؟؟؟
امانه يابنات نصحوووووني والله محتاجه النصيحه
وامانه كل وحده تدخل تدعي لي الله يوسع صدري على زوجي ويسخره لي ويسخرني له
والله يجعل كل كلمه تكتبونها بميزان حسناتكم .........زز