حبيت افيدكم بطريقه عجينه سالتني عنها عضوه ...... لما تأكلينها تقولين هذي قطن مو عجينه
هاتي الخلاط وحطي فيه التالي
1 ونص ملعقة خميره
1 ملعقه صغيره بكنج بودر
1 فنجان سكر
1 ملعقة ملح
2 كوب ماء دافي
3 ملاعق حليب بودر
شغلي عليهم الخلاط وبعدين طفي عليه وخليه ............ ورحي جهزي الطحين الكويتي الابيض او طحين السعوديه الي فيه خط احمر ( كلهم مجربتهم يهبلون ) انخلي تقريبا 2 ونصف كوب
و 1 كاسة شاي زيت على جنب
صبي الخليط واضيفي الطحين مره ومره صبي شويت زيت ومره كذا ومره كذا الي تحسين شكلتي عجينه ما تتلزق بيدك عاد صبي باقي الزيت وابدي اضربيها واضربيها الضرب العجينه مهم وبعده سكريها بحكام وعلى
طول بالثلاجه تحت
واذا قمتي طلعيها وهاتي صحن رشي فيه طحين وقسمي العجينه الى 4او 5 قطع كوريهم مثل الكوره وحطيهم بالصحن وغطيهم وبعد تقريبا نصف ساعه او اكثر ابدي استخدميها
والله يا بنات راح تحبينها مره
ليه عجينتي يابسه + طعمها مو حلو + مو منتفخه + شكلها مو ضابظه ...الخ :44:
تعالي اقولك الاخطاء الي سويتيها ويمكن ما تعرفينها
الاخطاء........1 || ان الخميره ما تاخذ وقتها بالتفاعل مع السكر والماء وعلطول تعجيننهم + الماء مفروض يكون دافي وليس بارد
2\\ الزيت عدو للخميره ويعيق تفاعلها مع باقي المواد علشان كذا يكون اخر شي مع الطحين
3\\ ضرب العجينه يعني عاملي العجينه بعنف بعد ما تكورينها بللي يديك بشويت زيت اضربيها ولتي العجينه
4\\ احترمي وقت العجينه يبيلها من نصف ساعه الى ساعه وربع
5\\ قبل الشغل فيها قسميها على 4 قطع كبار وكوريهم وحطيهم على جنب الين تجهزين حشوتهم
6\\ بعد ما تخلصين مفروض تريح العجينه قبل دخولها على الفرن من 5 الى 9 دقائق برا وهذا مهم مهم مهم
بنات جربوها بكرا ورجعي على الموضوع قولي وش رايك فيها
ابي منكم الدعاء يا اخواتي
:cook: