شهر الحــــزن (العسل) قصتي

السلام عليكم

كيفكم حبوبات؟

هذي قصتي ف شهر العسل

آآآآه بس من وين ابدأ....!

ف شهر 5 بكمل سنه من زواجي.. والحمد لله رزقني الله بولد وانا والده لي 24 يوم

زوجي (مشكلتي).... هو من النوع الهادي جدا وانطوائي شوي مدري اقدر اوصفه بالحنون او انه يرجع لطبيعته تنازله عن بعض الامور ,,بس عموما طيب

بس مااااا ادري انا راح اقولكم من بداية زواجي وانتو احكموا..

تزوجنا وعدت 3 الايام الاوله حلوه ولو انه واحنا نتمشى مكتم شوي..ولمن اسأله يقوللي انا احب اجلس ف البيت ما احب التمشيه (مع انه كان هو اللي يقترح نطلع ف البدايه)

بعد 3 ايام ع اليوم الرابع اهله قالوا تعالوا عشان يبغون يسوون مناسبه لنا قبل تنتهي الاجازه وطبعا همه ساكنين ف ديرتنا.. (ف القريه)

المهم اتفقت مع زوجي اننا نستأجر فندق نروح له وقت النوم ف البدايه تردد وقال ننام عند اهلي بس قلت له افضل ناخذ فندق احنا باقي عرسان .. يوم وصلنا ديرتنا اهله اصرروا ننام عندهم :icon36:

وبعد العروس اللي تتزوجت معاي اتفقوا يروحون فندق وتفاجئت بنفس الشي..

المهم قلت بنصبر هي يومين وماشين .. وصلنا حتى والله انححرجت جالسه بعبايتي عشاني لابسه برموده وماقدرت افسخ ...... سلمنا ع امه واخته وجلسنا نسولف وامه واخته يسولفون عن المناسبه لانها بتكون ف اليوم الثاني ويتكلمون عن التجهيزات المهم تفاااجئت امه تقول لبنتها عادي بكره بنظف ونرتب وفلانه وفلانه (انا والعروس الثانيه) بيساعدونا ....!!!!:eek:

تخيلو عروس ماكملت اسسسبببوووع ..معلش في اي عصر احنا عايشين ورربي طرطعت .. وكتمتها ف نفسي بس بنتها طيبه وعارفها انها مابترضى ,,وربي لو عرررففووا اهلي كان ززعلوا الى هذا اليوم مايعرف احد منهم.. المهم خنقتني العبره وكتمتها ويوم جا وقت النوم رحت انام مع زوجي ف المجلس ومن بدري مرره تخيلوا دخل ينام من الساعه 9

جلست لحالي صاحيه حتى قرب الفجر وهو نااام ف العسل ولاادرى عني ...!

واليوم الثاني قلت له ابغى اسلم ع جدتي ف نفس القريه عشانها ماقدر تحضر زواجي.. ررفض زوجي

قال عيب تبدأين الزيارات من اللحين وتوك متزوجه قلت جدتــي هذي ام امي كيف عيب ..!!

وغصصصصب وافق بعد مابكييييت ,,وداني ساعه مع انه قال بجيك الظهر بس دق علي بعد ساعه قال جايك..استغربت ..اثاري اهله تضايقوا قالو ليه توديها تزور جدتها عيب..

انا زرتها ف الصباح لان كلهم نايمين وجيت ونصهم نايم ..المهم نمت الظهر لاني مانمت بالليل ..

وماسووا غدا بحكم انهم مشغولين وانا ميييته جوع من الليل ماذقت شي واستحي اقول لزوجي او اهله..

المهم نزلت اتروش واتجهز وكل شوي عمتي يللا يللا ..من العصر:confused:


خلصت ع بعد المغرب وطلعت وسووا زي الزفه لي وللعروس الثانيه ..واغلب الحضور عجايز ووالله مدري وش يقولون بس اهز راسي ..

طبعا خلصت العزيمه ع الساعه 10 او 11 تقريبا

نزلت للدور اللي تحت انا وزوجي ..عشان ما ارتحنا ف المجلس والدور اللي تحت شقه كااامله محد ساكن فيها لانهم سكنوا فوق بس بقي يعض اثاثهم تحت...

اللحين لسا ماسوينا الدخله لان الدوره جتني ثاني يوم وجلست يومين ووقفت يوم العزيمه ف الصباح(شكلها نزلت من التعب والتوتر والا مو وقتها)

المهم زوجي قال بنسوي الدخله :eek:
قلت عيييب هنا افرض احد نزل وسمعنا والا شي فششششششششششششللللله

قال لا محد بينزل ,, قلت خليها بكره ف فندق او نطلع الليله ف فندق..قال لا الليله انا تضايقت لنا 5 ايام وماخلصنا وصار زي الهم خلينا نخلص الليله...

قلت طيب بس بكره من الصبح بنمشي مااا ابغى اشوف احد بعدها وبكون تعبانه لاتحرجني اجلس مع احد..
قال طيب..

طبعا لا المكااان ولا الزمان مناسب ..بس قلت اهم شي اني بطلع بكره لاني خايفه انه يبغى يقعد بعد...

المهم بعد ماخلصنا جلست ابببكككككي بكاااء مدري حسيت اني مكسوره والمكان مو مهيأه ابببدا ..

تروشت وجيت ارتاح وانا مرره جوعانه وتعبانه ونمت وزوجي نام ,,والصباح قمت لبست عشان بنطلع فوق نسلم عليهم قبل نمشي..

جابوا فطور وافطرت لحالي عشان مافيه احد من اخواته او حريمهم صحي

يوم قال بنمشي امه تضااايقت وقالت بكيفكم ,, وطول الوقت لا تضيع فلوسك ف الاجار ومدري ايش!!

المهم خرررجنا الحمد لله وطلعنا لمدينه قريبه من ديرتنا عشان نفسي نتمشى فيها ويوم جيناها كانت ضباااب وبرررد استأجرنا ف فندق وزوجي مككككتم ..تغدينا ونمنا ..جينا بنطلع الا الضباب مرره مايساعدالمهم قلنا بنجلس يوم وبنسافر ع جده نكمل تمشيتنا..الا زوجي فاااجئني قال تري مابنتمشى الا يومين وبنجرع عند اهلي نجلس اسبوع وبعدها بنرجع نسلم ع اهلك ونروح لبيتنا...!!

قلت ليه بس يومين اصلا متى تمشينا عشان ينتهي شهر العسل كذا مارحت الا مطاعم بسس ما امداني اللحق ع شي ...!!

قال الميزانيه..ماتساعد!!

مع العلم انه اذا راح لاهله بيصرف وبيجيب ع حسابه مقاضي وغيرها ...انصدممممت ..

حااول يغير الموضوع ,, المهم ورجع نام معاي بس مررررررره تعورت ..وبعد ماوقف فتحنا الموضوع زعل وقفا لي ونام ..

المهم رحت اتروش وجوعااانه كانت الساعه 10 تقريبا وبارد المكان وزوجي نام وماشرى شي..!

جلست ابكي لحالي ع الكنبه حتى نمت ..كيف ومتى مدري ؟

قمت ع قبل الفجر بشوي حسيت اني دااايخه رحت قلت خليني قريبه من زوجي ع الاقل لو طحت ينتبه..

رحت ع الفراش وماتحمملت حسيت اني بغيب عن الوعي من تعب الجماع وجوعانه وبرد والبكا والحاله النفسيه ..

صحيته قلت انا تعبانه وجلست ابكككي ..هو صحي وانفجع مرره قام قال ييلا ندور مطعم قمنا دور وندور كل شي مقفل ..رجعنا الفندق ع الاذان الفجر ...دق ع الاستقبال قالوا مافيه شي اللحين الا حليب وشاهي بالحليب ..طلب لي شاهي بالحليب ..شربته ونمت شوي حتى فتحت المطاعم وجاب فطور

رحنا ع ينبع وماريحنا الا هناك وانا ميته تعب ..جلسنا 4 اايام غصصب قلنا بنروح المدينه قال مانقدر نستأجر .. قلت بلاش بس نسافر لها ونتعب ولانقدر نجلس خلينا نروح لجده ع الاقل نستأجر ونتجهز للعمره ..بس جلسنا ف جده يوم واحد قلت اكيد بيعوضني بنسكن ف مكه يومين ثلاثه .. ومو شرط جنب الحرم ..

تفااجئت غصصصصب وبالقوه استأجر بعييد عن الحرم اعتمرنا وجينا نبغا ننام الصباح قال وش رايك نروح لاهلي لديرتنا .......!

يعني خلاااص انتهى شهر العسل ....!!!!!
قال خلاص الميزانيه ..

المهم والله مانمنا حتى من كثر عجلته ..

سافرنا ونمت ف الطريق ,, جلسنا عند اهله اسبووووووع واهلي والناس متجننين كيف عرسان وجالسين كذا ,,ع فكره ماطلعت ولا مكان ف هذاك الاسبوع قال عيب نطلع ونخلي اهلي ف البيت ..قلت عادي قوللهم يطلعون معانا ملييييت .. وع نهاية الاسبوع اعمامي قالوا يبغون يروحون مكه والمدينه ..

طيب تدرون اني ماكملت شهر مع زوجي .. وكنت تعبانه ومو قادره اسافر اكثر لانهم مابيستأجرون ..

قالت عمتي اجل انتي اجلسي هنا مع بنت بنتها عمرها يمكن 15 سنه واخوانه شباب اثنين ف البيت والحمام مشترك ..
قلت كيف بتروح وتخليييني .. قال عاد وش اسوي مقدر اسوي شي..

قلت انت بتاخذ اجازه بعد فتره بنطلعهم فيها ..طيب اخوك الكبير هو مو عريس ولا شي وساكن ف جده ليه مايوديهم ...قال لا..ابوي مايحب يركب الا معاي ...

تخيلو مرضت من الحزن وصرت ارجع وضمر وجهي ..ويوم شافوني تعبانه ومو عارفين وش السالفه قالوا خلاص بننتظرك تطيبين ..
قال زوجي والا بنسافر واذا مره تعبتي روحي المستشفى مع اخواني وبنت اختي (اخوانه شباب عزاب وبنت اخته مراهقه ) وع فكره زوجي مو من قرايبي قلت والله لو اموت مررض مارحت معاهم
ابوي امنك علي ...ترميني ع اي احد كذا ....!!!!

والله لو يعرف ابوي وامي وش يصير كان زعلووا والله اعلم وش بيصير ..

المهم قربت اجازة زوجي تخلص وماقدر يسافر باهله وجتني الدوره ,,فقررنا نسافر ...

واحنا راجعين ابغى اجلس مع زوجي الا كل وحده من اخواته ذبحوا ويللا عندهم حتى الساعه 12 ويرجع زوجي تعبان وينام ...ولا رحنا ولاتمشينا ..

ورجعنا لاهلي سوو مناسبه .. يوم واحد ومشينا للمدينه اللي فيها شغل زوجي ...

وعااانيت فيها من الوحده ولافيها اماكن تمشيه زي الناس .. وبقيت كذا حتى اللحين

احس زوجي ماعنده حسن تصررف ..حتى اقوله بعد الاربعين لازم يكون لحالنا وكذا ,,قال عادي ف بيت اهلي !!!!

احس سد نففسي معد لي نفس اجهز شي ....


وش رايكم