كيف حالكم خواتي عساكم بخير
اول مشاركه لي في قسم السياحه وقلت دامني فاضيه بحط لكم صوور سفرتي لماليزيا
طبعن سفرتي كانت شهر 7 وبصراحه ونااااااااسه
رحنا اول شي لنكاوي وعقب جنتنغ وعقب كوالالمبور
واستانسنا وااااااااااااايد في جزيرة لنكاوي
طبعن جدولنا كان 6 ايام في لنكاوي ويومين في جنتنغ و6 ايام في العاصمه
بس هناك كان خااطرنا نقعد اكثر في لنكااوي لانها رووووووووووووعه للمتزوجين وصدق انها جزيرة رومنسيه :42:
وايد سولفت هع اتفضلوا الصور والتصوير كان بكاميرا كانون طبعن شوي انا اصور وشوي بو الشباب :arb:
اول شي هني كنا فالجو رحبتنا بدت من مطار ابوظبي-مطار كوالالمبور ومارتحنا في العاصمه لا على طوووول طرنا الى لنكاوي وهالصوره للعاصمه وكانت مدة الرحله من ابوظبي الى ماليزيا 7 ساعات
واول ماوصلنا كان فاستقبالنا الدريول وودانا داايركت لين الفندق وهو فندق بـــرجايا رووووووووووووووووووووعه
وهو عباره عن اكوااااخ المكان روووعه وهااادي
وهذا هو اللوبي
وهاي صور الاكواخ طبعن عندي واايد صور واحترت شو اراويكم هههه واكتفيت بهذيل
وهاي قعدتنا الرومنسيه الصبح نقوم نشرب كوفي ونسولف والجو على كيف كيفكم امطار ووناسه
هاي صورة السياره اللي تودينا واتيبنا من اللوبي للكوخ شوفوا الاجواء الروعه كيف ماشاء الله
صـــــور للمكان
هني الاجواء رووعه مطر ماشاء الله
وهني زااد ماشاء الله تبارك الله
يتبــــــــــــــــــع محد يرد لين اخلص
وهني المسبح اللي فالفندق كان خاطري اسبح فيه ههههه
وطبعن جزيرة لنكاوي فيها 99 جزيره ماشاء الله
ورحنا للجزر المشهوره وطبعن مااقدر اقولكم الاحساس الرااائع
وهني كنا نلعب فالقارب هههههههه
وهاي جزيرة العذراء الحامل شوفو شكل الجبل سبحان الله جنه حرمه وحامل
وهذولي اللي مجننينا كله يلحقونا انا وريلي لان يكون معانا اكل هههههه ومايرتاحون الا لما نعطيهم
يتبــــــــــــع