هلابك مره اخرى
بالنسبه لاماكن التسوق اربعه اسواق رئيسيه غير مجمعات الاحياء {استراليا فير & بسفك فير & هاربر تاون & رنا وي بي }
تقريبا اكبرهم وافضلهم موضحين لك بالاحمر
بالنسبه للعبايه اختاري القماش اللي يعجبكاي لون ترتاحين له وفصلي فيه عبايه اللي تعجبك متعودين هنا كثير عالحجاب ومو مستغرب عليهم
الجو ركزي على الشتوي اكثر
بالنسبه الاماكن التراثيه والاسواق الشعبيه {متحف} موجود ولكن في مدينة برزبن تقريبا ساعه بالسياره .


واي استفسار ابشري

حبيبتي اطمنك القولد كوست جدا رهيبه واهلها طيبين بس انا ما احب اطلع بالليل لاني البس نقاب والسكرانين يضايقوني احيانا بس في النهار انزل بدون زوجي ما عندي مشكله ونصيحه اسكنوا في السيرفربرادايز وهناك فيه مكاتب سياحيه كثير اختاروا الرحلات اللي تعجبكم فيه رحلة الحيتان والجزيره والموفي اذا تحبي اللعب ورحلة السي وورد الرحلات هذي اعجبتني كثير واذا عندك اي سؤال انا جاهزه

مرحبا يا عروسة الف مبروك
قولد كوست رائعة وشاطئها خيااال
اهم مناطقها
السيرفس براداس يعتبر أحلى مكان
مقابل مدخله في على الزاويا ماكدوزلز خذو سمك لأن لباقي مشكوك بأمره

في مطعم يجنن أكله بس بالضبط مدرس شلون أوصفه لك قريب من البارداس في لوحة كبيره من النيون على شكل قيتار هو خلف محل صغير وجلساته مو مره لكن تعاملهم ودود واكله لذيذ مررره

لو تسكونون في الهولدي إن مره ممتاز وعلى البارداس ومن تطلعين وتلفين يسار كله محلات حلوه وناس وعالم

فيه الاكوا باص حلو الي هو باص يمشي على البر وبعدين يدخل البحر

وفيه رحلة للحيتان لو قلوبكم قوية
فيه بعد محل Ripley's Believe It or Not!
الي هو صدق أولا تصدق حلو وممتع

والاحلى مره لعبه أسمها إنفنتي لا تفوتك خطيييييييرة
في مبنى

Chevron Renaissance Centre


ملاهي موفي ورود ولعبة سكوبي دو

ملاهي رحلة الى عالم الاحلام Dream World
رحلة الى عالم البحار Sea World
واحلى شي بعد رحلة لركوب الخيل في منطقة
رائعه لا تفوتكم
في بعد مبنى Q1 اعلى برج سكني في عام
2004حلو تدخلون لها وتشربون هوت شكوليت وتشوفون قولد كوست من فووووق
عموما قولد كوست تجنن


موفقه والف مبروك

أي سؤال أنا حاضرة

نسيت اقول لك فيه سوق شعبي اسمه كرارا ماركت ويفتح يومين بالاسبوع على ما اعتقد يوم الاحد والخميس انتي اسئلي الفندق عن الايام اللي يفتح فيها لاني ماني متاكده عموما السوق حلو مره وممتع ورخيص نوعا ما و
فيه رحلة المنطاد ممتعه مره تلفين على القولد كوست فيه بصراحه لا تفوتك الرحله رهييييييييييييبه

الله يفرج لكم يارب
ويسهل امركم كله
ويساعدكم على غربتكم يارب

طيب يا حلوات تعرفون وين المكان حق القفز من الطائرات لول
لا تقولون انهبلت اوريو
بس اقول لو ما تهورت وسويتها اللحين ما راح اسويها
لول
وتكفون كل ما ذكرتوا شي مهم قولوا لي
الله يخليكم
ترا مشوار 23 ساعه بالترانزيت
يعني حرام وقاره مستحيل اروحها كل شوي لانها مره بعيده
علشان كذا بليز لا تنسوني

الله يسعدكم و ينولكم اللي في بالكم