السلام عليكم ورحمة الله وبركاته
انا متابعه لمواضيع هالقسم من فتره وحبيت اطلع اخواتي على معاناتي مع حملي والحمدلله على كل حال
طبعا المشكله بدأت لما كنت بالشهر الثالث
حسيت بمغص متواصل والم بالبطن
ولما رحت لدورة المياه الله يكرمكم
نزل دم كثييير
خفت مره
ورحت للطوارئ وتنومت ولما سويت الترا ساوند طلع سبب النزيف نزول بالمشيمه
ونصحني الطبيب بالراحه
وبالفعل ارتحت بشكل كبير ماكنت اشتغل ولا اتحرك
مجرد اني اروح للحمام واصلي وارجع لفراشي
وتوقف النزيف لمدة شهر وفجأه بعدها حسيت بمغص ونزل الدم مره ثانيه ورحت لمستوصف خاص ولما كشفت علي قالت تحتاجين مثبتات
واخذت ابر وحبوب وتحاميل
ووقف النزيف
وبعد اسبوعين حسيت بشيء سااااااخن ينزل علي :44:وبكثره اغترقت ملابسي ولما طالعت طلع ماء مخلوط بدم الله يكرمكم
ومن غبائي مارحت للمستشفى
توقعت الامر عادي واستمرت معاناتي لمدة شهر لان الماء مستمره بشكل كبير كنت ابدل باستمرار
لان المويه كانت تنزل بغزاره وبعدين بدت تقل
المهم
لما جاء موعدي بالمستشفى انهبلت الدكتوره قالت المويه حقت الجنين
اثنين سانتي ونص
وسألتني بتنزل عليك مويه ؟؟؟
قلت ايوه من شهر تنزل
هنا عصبت الدكتوره وقالت لازم تتنومين ونسويلك تحاليل وتأخذين مضادات قويه لانه فيه خطر عليك وعلى الجنين
وبالفعل تنومت وقعدت شهر ونص بالمستشفى عانيت بشكل فضيع
اخذت خلالها مرتين طلق صناعي
مره بنهاية السادس ومره بنص السابع
وفي كل الحالتين مايشتغل الطلق
واخيرا قرروا الدكاتره انوا لازم ننهي الحمل ونسويلك عمليه قيصريه
انا استسلمت وقلت اعملوا اللي تشوفون
لان نفسيتي تعبت
والالام زادت وحتى النوم ماانام
الحمدلله على كل حال
وسبحان الله لطف ربي كبييييييير
ورحمته وااااااااااااااااااااااااااااااااسعه
جتني ولاده مبكره وطلق من رب العالمين وولدت طبيعي
صحيح الولاده كانت صعبه لان المويه قليله لكن الحمدلله والشكر
وجبت بنت وكانت تعبانه
توقف قلبها مرتين وسوولها عملية انعاش وبالاخير اخذها ربها وان شاء الله طير من طيور الجنه
طبعا البنت فيها جرثومه بالرئه لان الماء كانت قليله لمده طويله:icon33:
الله يعوضني خير ويشفع بها
دعواتكم يااخواتي
ونصيحه اي مشكله تلاحظينها عليك لازم تقولين لدكتورتك ولاتتهاونين بها
ام رسيل1212 @am_rsyl1212
محررة برونزية
يلزم عليك تسجيل الدخول أولًا لكتابة تعليق.
salma S
•
الله يهديك اجل تنزل عليك مويه و تقولين طبيعي !!
لكن قدر الله وما شاء فعل ..
الحمد لله على كل حال
ربي يعوضك خير ان شاءالله
لكن قدر الله وما شاء فعل ..
الحمد لله على كل حال
ربي يعوضك خير ان شاءالله
الصفحة الأخيرة
وربي يعوض عليكي