طيب بنتك كانت طبيعية ثم كرهت الاكل ولا جتها هالحالة قريب ؟؟

اذا قريب يمكن عندها فطريات بفمها او تقرح او تسنين يمنعها بشدة من الاكل .

اقري عليها ,, وخلي الاكل عندها لاتجبريها انك تعطيها بنفسك .

مثلا حطي بالصحن فشفاش او بسكوت يمكن يغريها تشوف وش الفرق بينه وبين الاكل العادي .

ان شاء الله تمد يدها وتجربه اذا ماعندها احد يراقبها او يجبرها .

الله يعينك ويسهل عليك .

مساء الخير
بنتي مااعرفت الاكل ابد يعني ما كانت تاكل وبعدين وقفت لا من الاساس والله تعبتني وزنها كل ماله وينزل ومو عارفه اش اسوي لها

اختي و الله نفس وضعي و حالاتي
انا صرت اجلسها مع اطفال صغار لمن تكون جوعانه و صرت ااكل كل واحد منهم ونصفق لبعض
واذا ما كانو موجودين فتحت لها مقاطع يوتيوب فيها اطفال ياكلون
وصدق تاكل ملعقه ملعقتين مو كثير بس شيء احسن مما لا شيء
وصرت اذوب لها تمر و منقوع حلبه وسط الحليب بالرضاعه بدون ما تشوفه

الله يحفظها انا بنتي الكبيره كانت زي بنتك مرره اتعبني في الاكل ماغير تشرب حليب لين ماجاها امساك الله يكرمك
بس بعدين بديت بنفسي اكلها زبادي اخلط معاه شويه سكر... وكنت لما اجي اشربها مويه احط في رضاعتها حبتين سكرنبات واارج الرضاعه لين ماتذوب السكر وبعدها تشربها وكنت اشربها يوميا حلبه مررره ممتازه (جيبي حلبه تكوني غاسلتها زين وخذي مقدار ملعقه كبيره من الحلبه واغليها في النار مع كميه مويه ماتكون كبيره يعني تكفي الرضاعه اللي راح تقلبيها عليه فيها تخليها تغلي شوي لمدة 5 دقايق وبعدها تخلينها تبرد شوي بعدها اتصفينها وتقلبينها في رضاعتها وتحطين معها حبيتين اوثلاث سكر نبات ) مررره رووعه الحلبه لاتستهينين فيها الصراحه غيرت جسم بنتي وحتى شكلها اسم الله عليها.. وكمان كنت اشربها عصاير مشكله وكان يفيدني كثير في مسألة الامساك أما الاكل العادي عجزت معاها لين ماكملت 4 سنين بعدها بدت تاكل على مهلها ..

حبيبتي بنتي نفس الشي .. شهيتها مو مرة وهي زي اخواتي كذا .. اذكر اختي بعمرها هبلت فينا
طالما انها تشرب حليب كويس الحمدلله.. طعميها اشياء حالية .. لولقمة وحدة بس خير وبركة
لكن سالفة ابو عظيم والترفيع ترى هذي حراام شرعا ونهى عنها النبي صلى الله عليه وسلم والحديث في الصحيحين فيما معناه : ( علام تدغرن اولادكن من العذرة .. عليكن بالقسط الهندي) ابحثي عن القسط الهندي وشوفي .. ممكن تخلينها تشمه يسمى (سعوط) وممكن تدهنينها وممكن تذوقينها .. اقري وبتعرفين اشياء كثيرة

حبيت اطمنك انو الحال من بعضه واذكرك بنهي النبي صلى الله عليه وسلم :)