مقادير تتبيلة الدجاج
صدر دجاجه كامله او نص دجاجه تخليها من العظم. قطعيهم شرائح طويلة . علبه زبادي. ثلاثه فصوص ثوم مبشور. ربع كاس زيت طبخ. عصير ليمونه كامله. رشه قرفه. رشه هيل. نص ملعقه فلفل اسود. نص ملعقه فلفل احمر. ملح
مقادير الثوميه
في اكله التندوري نزلت الثوميه وكانت الفصوص صغيره لذلك قلت لكم عشر فصوص لكن لك الخيار في عدد فصوص الثوم وهنا خففت عدد الثوم وهي كالتالي
علبه زبادي. خمس فصوص ثوم. ربع كاس زيت او اقل من الربع. ملعقتين مايونيز. رشه خفيفه فلفل اسود
مقادير خبز الصاج
المقادير بكاس العصير
كاس ونص ماء دافي. اربع كاسات دقيق ابيض. ربع الكاس زيت. ملح
مقادير الصلصه الحمراء الحاره
ربع كف اليد فلفل احمر قرون مجفف بروي لكم صورته باول رد .2 طماطم متوسطه متوسطه.فصين ثوم
الطريقه
نتبل الدجاج بالتتبيله نحط الزبادي والبهارات المكتوبه بالمقادير لاتضيفي غير البهارات التي كتبتها بالمقادير والثوم والزيت ونقلبهم مع الدجاج نخليها ليله كامله او ع الاقل ساعتين حطيهم بالثلاجه
جهزي الثوميه
تحطي الزبادي والثوم والمايونيز والفلفل الاسود بالخلاط والزيت ضيفيه اثناء ما الخلاط يشتغل واذا ماتحبي نكهه الثوم تكون واضحه قللي الكميه الى ثلاث فصوص كبيره ثم حطيه بالثلاجه
الخبز حطي الماء ثم الملح والزيت ثم ضيفي الدقيق ع مراحل واعجني الى ان تكون العجينه لاتلتصق باليد خليها ترتاح عشر دقائق قسميها الى ثمان كرات متوسطه وخليها ترتاح خمس دقايق
ثم مديها بالعصا الخشبيه وتكوني قد سخنتي الصاج ومسحتيه بالزيت تحطي العجينه وتكون النار مرفوعه اول ماتنتفخ وتظهر فقاعات وطي النار وخليها شويه واقلبي ومابين كل واحده واخرى امسحي الصاج بمنديل فيه زيت غطي الخبز بكيس نايلون
واثناء ماتعملي الخبز خرجي الدجاج واعمليهم بصاج اخر وقلبيهم بالصاج الى ان تنشف التتبيله بعدما تنشف غطي الدجاج بغطاء وكل شوي ضيفي قليل من الماء وقلبي وغطي الغطاء الى ان يتغير لون الدجاج ويكون بني بس اهم شي ماتخليه يحترق ويلصق بالصاج
بخري الدجاج بفحمه حطي قشره بصل فيها شوي زيت وحطي فحمه وغطي الصاج
جيبي خبز الصاج ادهنيه بالثوميه وحطي بالوسط قطع الدجاج ولفيه بشكل اسطواني زي سندوتشات الشوارما وسخني الصاج مره اخرى حق الخبز وامسحيه بزيت وارفعي النار وحطي السندوتش يتحمص بالصاج اضغطي عليه بملعقه او حمصيه بالشوايه حمصيهم كامل
وعند التقديم قطعيهم الى قطع متساويه بالمقص وقدميهم مع شبس ومخلل وثوميه وسلطه حاره
طريقه السلطه الحاره
تنقعي الفلفل الحار الاحمر المجفف بماء ساخن ثم خذيهم للخلاط مع طماطتين والثوم واخلطي الخلاط
وبالهناء والشفاء
