&& شورايكن في قصة هذي الزوجة &&

تقول
في بداية حياتي مع زوجي كنت احبه واموت عليه
مع انه ماكان يستاهل كل هذا الحب لانه انسان عصبي ومتسلط وماعنده تفاهم
بعد أول طفل تزوج عليها وعزم اهله وربعه وخلانه
تقول
مافي سبب مقنع لزواجه بس الي متاكده منه انه ربعه الي كانوا يدخلون ها فكرة في راسه
طبعا الزوجة المسكينة ماتقدر اتسير عند اهلها لاسباب عده
اول شي ماعندها مكان في بيت اهلها والسبب انه غرفتها خذاها اخوها اول ماعرست
وبعدين ماكانت تبا تكلف على اهلها واتزيد من مصاريفهم
والسبب الاخير ليش تشمت الناس فيها كفايه زواجه عليها بدون سبب مقنع !!
قالت انا بيلس عند ريلي عندي قسمي الخاص اتصرف فيه على كيفي
كل شهر احصل مصروف لي ولوليدي
ماكله شاربه والحمدالله
هو اختار يتزوج عليه بالعافية انا خلاص انا طلعته من قلبي و سكرت الباب
ان شاءالله يتزوج عليه ثلاث والله ماهمني
بدت تعيش حياة ولا اروع بعيد عن الهم والنكد وتقوم بواجباتها الزوجية
عشان تنال رضى الله وحتى اذا زوجها ماياها شهر ماتسال اهم شي المصروف موجود والحياة تمشي مثل ماخططت.... وقررت كل سنتين تيب ياهل ... عشان ايكونون الها عزوه
ربتهم احسن تربية ماقصرت وياهم في شي وبنالها البيت الي كانت تحلم فيه
وكل الي يشوفها يستغرب يقولون كيف قدرتي تتمالكين نفسج وتتاقلمين جي ؟
تضحك وترد عليهم
هو يسير يتزوج يفرح ويستانس وانا انقص على عمري واخلي الامراض النفسية تنهشني
ليش شو كالفني ؟؟؟ولااااا ... اخر شي عيالي يتاثرون ويطلعون متعقدين ولافاشلين !!!!
صدق عيالها ربتهم احسن تربية وخلتهم يحبون ابوهم وابوهم مايقدر يستغنى عنهم خلت لابودهم دور في حياتهم يشاورونه ويراونه درجاتهم وشهايد التقدير والجوائز الي يحصلونها في مدارسهم
ماشاءالله صدق مميزين غير عن اعيال اخوانه وخواته وعيال ربعه....
تقول لو ريلي يطلب مني اخطبله الثالثه والربعه بخطبله وانا رايحه اخطب مابخطب الا احسن البنات
مثل ماالام تخطب لولدها.....
واذا ينانتكلم عن الزوجة الثانية
فا اقولكن حالها ماايسر ...
نفسيتها صفربسبب المراكض وراء زوجها وكل هذا مافادها لانه وايد متعلق في ربعه
وعيالها مهملين وانطوائين ويكسرون الخاطر كانهم يتامى يحليلهم
لانهم في امس الحاجه لاهتمام امهم وابوهم ....
الي قرر ياخذ الثالثة كمل معاها خمس اشهر وطلقها....
الزوجة الاولى حاولت اكثر من مره تتواصل مع الزوجة الثانية الي رفضت وبقوة
كانت تبا اتكون الها مثل الاخت .... بس الله ماراد ومع الاسف اطلقت الزوجة الثانية...
بعد ماتعبت منه قررت تبعد .....
مرت كم سنه على هالكلام
بقدرة الله الزوج عقل واهتدى
ورجع لبيته عند زوجته الاولى يحب راسها وايديها وريلها
يقولها انتي انسانة عظيمة انا غلطت في حقج وايد وظلمتج ومع هذا صبرتي عليه وربيتي عيالي
وكل مااي عندكم البيت الاقي الترحيب والراحة والاهتمام
ولامره اشتكيتلي او عاتبتيني ....
انتي وعيالي سبب من اسبباب هدايتي وابدا مابقدر انسالج هذا الفضل.....
تقول الزوجه
انا مب مصدقه معقوله هذا ريلي بدت اتحبه من معاملته الزينه
اتشوف قدرها في نظراته واحترامه وكيف يفتخر فيها جدام الكل
مايقدر على فراقها حتى اذا سار الجمعية يتصل يقولها شو اتسوين ؟؟؟؟؟ :hahaha:
ههههههههههه
بس تعرفون الزوجه شو اتقول ضميري ايانبني انا مااستاهل هاي المعامله لانه سكوتها عنه كل هالسنين بسبب انانيتها
لانها فكرت في نفسها ... في معيل يعيلها ... فكرت في رجل كل سنتين تيب من ياهل يونسها ويملي عليها حياتها .....فكرت في صحتها ورشاقتها واناقتها لنفسها لذاتها مب له .....
انا اشوفها تستاهل والله يسعدها يااااااااااااارب
:26: